ხშირად მშობლები ახალშობილი, ან თუნდაც უფრო მოზრდილი შვილების საკმაოდ ღია ფოტოებს ინტერნეტ სივრცეში თავისუფლად აქვეყნებენ ხოლმე. რა თქმა უნდა, ამ დროს განზრახვა მხოლოდ საყვარელი და სახალისო მომენტების მეგობრებისთვის გაზიარებაა, თუმცა ხშირად მნახველებს შორის შესაძლებელია არაკეთილმოსურნე და უფრო მეტიც, ფსიქიკურად არამდგრადი ადამიანებიც კი აღმოჩნდნენ. ორგანიზაცია Child Rescue Coalition-მა, აპრილის დადგომასთან ერთად, რომელიც ბავშვებზე ძალადობის წინააღმდეგ ბრძოლის თვედ ითვლება, სპეციალური სარეკლამო ვიდეორგოლი გამოუშვა, სადაც უშუალოდ პატარების პირით გადმოგვცა ეს საკმაოდ მძიმე პრობლემა.
