in

Kingston 35 წლისაა: 35 ფაქტი კომპანიაზე, რომელიც  ჩვენს კომპიუტერებს უფრო სწრაფს ხდის

Kingston Technology — მსოფლიოს  უმსხვილესი ამერიკული კომპანია კომპიუტერული მეხსიერების წარმოების დარგში დღეს 35 წლის გახდა. კომპანიამ Forbes-ის სიამდე განვითარების საინტერესო გზა განვლო. გთავაზობთ 35 ფაქტს Kingston-ის მნიშვნელოვანი გადაწყვეტილებებისა და ისტორიის შესახებ, რომელმაც ბრენდი დღევანდელ წარმატებამდე მოიყვანა.

  1. ამერიკული კომპანია Kingston Technology არის ყველაზე მსხვილი კერძო კომპანია მეხსიერების წარმოების დარგში
  2. პრაქტიკულად, მსოფლიოში ყოველი მეორე კომპიუტერი ან ნოუთბუქი იყენებს კომპანია Kingston Technology-ის ქარხანაში, როგორც საკუთარი, ასევე სხვა მწარმოებლების ბრენდის ნიშნით დამზადებულ ოპერატიულ მეხსიერებას.
  3. 2005 წელს კომპანია Kingston Technology-მ გახსნა მსოფლიოში ყველაზე დიდი მეხსიერების მოდულების მწარმოებელი ქარხანა.
  4. Kingston Technology 100%-ით ტესტავს ყველა იმ კომპონენტს, რომლითაც მზადდება მეხსიერების მოწყობილობა. ასევე, იტესტება მზა პროდუქციის 100%.
  5. Kingston Technology-ისა და მისი ქვედანაყოფების ასორტიმენტი ითვლის 2 000-ზე მეტ ტექნოლოგიურ გადაწყვეტას.
  6. 2020 წელს კომპანიის ბრუნვამ შეადგინა $12,8 მილიარდი.

ისტორია

  1. კომპანია Kingston Technology 1987 წლის 17 ოქტომბერს შეიქმნა. მწარმოებელ ჯონ ტუს და ინჟინერ დევიდ სანის მიერ, სახელი კი მუსიკალური ჯგუფის, Kingston Trio-ს, პატივსაცემად დაერქვა, რომლის სიმღერებიც ჯონ ტუს უყვარს.
  2. კომპანიის ერთ-ერთი პირველი პროდუქტი მეხსიერების პრინციპულად ახალი მოდული იყო, კონტაქტების ერთრიგიანი განლაგებით (SIMM), რომელიც წინა თაობის კომპონენტების ბაზაზე შეიქმნა და წლების მანძილზე განსაზღვრა სფეროს სტანდარტები.
  3. კომპანიის შექმნას წინ უძღოდა „შავი პარასკევი“, რომელმაც აშშ-ის ბირჟები ჩამოშალა. ჯონ ტუმ და დევიდ სანმა დაკარგეს მთელი დანაზოგი, რომელიც წინა ბიზნესის გაყიდვით დააგროვეს, კრედიტორების ვალი კი $200 000 შეადგენდა.
  4. კომპანიის დაარსების საწყის ეტაპზე ტუ და სანი მეხსიერების ჩიპებს პირდაპირ ავტოფარეხიდან ყიდდნენ, ნაღდი ანგარიშსწორებით.
  5. პირველ კლიენტთან მოლაპარაკების წარმოებისთვის, უფულოდ დარჩენილმა ჯონ ტუმ და დევიდ სანმა პატარა ოფისი იქირავეს რამდენიმე დღით. თანამშრომლების როლს კი მათი მეგობრები და ნათესავები თამაშობდნენ.
  6. Kingston Technology-ის სიმბოლო — წითელი თავი, Red Head, რომელიც ასევე ცნობილია Rex-ის სახელით, გამოჩნდა 1989 წლის სარეკლამო კამპანიის შემდეგ, რომლის ლოზუნგიც იყო „გაიუმჯობესე მეხსიერება“. რეკლამაში ჩანდა ხელების გამოსახულება, რომელიც თავში დამატებითი მეხსიერების მოდულებს აყენებდა. თანამედროვე სახე წითელმა თავმა 1992 წელს მიიღო.
  7. კომპანიის შტაბ-ბინა მდებარეობს კალიფორნიაში, ქალაქ ფაუნტენ-ველიში (Fountain Valley), რომლის მოსახლეობაც მხოლოდ 55 000 ადამიანია. გარდა Kingston Technology-სა, ამ ქალაქში მდებარეობს კომპანია D-Link-ის შტაბ-ბინა და კომპანია Hyundai Motors-ის მთავარი ამერიკული ოფისი.
  8. პირველი წარმატების შემდეგ, ჯონ ტუ დევიდ სანს ბიზნესიდან გასვლის აუცილებლობაში არწმუნებდა. მათ დადეს შეთანხმება: ტუს სანისთვის „იაგუარი“ უნდა ეყიდა კომპანიის წარმატებული განვითარების შემთხვევაში. სანაძლეო სანმა მოიგო.
  9. 1996 წელს კომპანია Kingston Technology-ის აქციების 80% იაპონურ Softbank-ს მიჰყიდეს $1,5 მილიარდად. 1999 წელს სანმა და ტუმ კომპანია უკან გამოისყიდეს და მხოლოდ $450 მლნ გადაიხადეს. იმავე წელს კომპანიის მოგებამ $1,5 მილიარდი შეადგინა, თავად კომპანია Kingston Technology შევიდა Forbes500-ში.

  1. 2002 წელს შეიქმნა სპეციალიზებული ქვედანაყოფი — HyperX, ორიენტირებული გეიმერებისა და ენთუზიასტებისთვის მაკომპლექტებლების და პერიფერიის შემუშავება/შექმნაზე. ბრენდი HyperX გახდა მსოფლიო გეიმერული ინდუსტრიის ლიდერი, რომელიც ასპონსორებდა 20-ზე მეტ პროფესიონალურ კიბერსპორტულ გუნდს. მან დაამყარა ოპერატიული მეხსიერების აჩქარების რამდენიმე რეკორდი.  2021 წელს Kingston-მა  ბრენდი HyperX და პერიფერიული მოწყობილობების ბიზნესი ამერიკულ კომპანიას Hewlett-Packard-ს მიჰყიდა. გარიგების ღირებულებამ შეადგინა $425 მლნ.
  2. Hewlett-Packard-თან გარიგების შემდეგ, Kingston Technology-მ HyperX-ის ბრენდის ქვეშ არსებული მაკომპლეტირებლები გამოუშვა ახალი ბრენდით Kingston FURY. ბრენდი წარმოადგენს ოვერქლოქერებისა და კიბერსპორტსმენებისთვის DRAM-ისა და SSD-ის დარგში მაღალპროდუქტიულ გადაწყვეტილებებს, მათ შორის ახალი თაობის ოპერატიულ მეხსიერება DDR5-სა და მეხსიერების მოდულებს RGB ნათებით.
  3. 2010 წელს კომპანია Kingston Technology-მ, მეხსიერების მოწყობილობის კონტროლერების ერთ-ერთ უმსხვილეს მწარმოებელთან, კომპანია Phison-თან ერთად, შექმნა ერთობლივი კომპანია Kingston Solutions, Inc. (KSI), რომლის მიზანიც იყო ტექნოლოგიის მსოფლიო ბაზარზე ფლეშ-მეხსიერება eMMC-ის დაწინაურება და გახდა კიდეც ბაზრის ლიდერი მონაცემების შენახვის გადაწყვეტილებების დარგში. 2020 წელს Kingston-მა გამოისყიდა Phison-ის წილი 1,7 მლრდ ტაივანურ დოლარად (დაახლოებით $57 მლნ).

ფილოსოფია

  1. კომპანიის ხელმძღვანელები და რიგითი თანამშრომლები ერთ შენობაში მუშაობენ. ყოველ თანამშრომელს მაგიდაზე უდევს ბარათი, წარწერით „Kingston-ის ოჯახის წევრი“, სამუშაოს დაწყების თარიღის მითითებით.
  2. 1996 წელს აქციების ნაწილის გაყიდვის შემდეგ, კომპანიის დამფუძნებლებმა თავიანთ თანამშრომლებს  პრემიების სახით $100 მლნ დაურიგეს.
  3. ჯონ ტუ უკრავს დასარტყამ ინსტრუმენტებზე ჯგუფში — JT&California Dreaming.
  4. 2002 წელს კომპანიამ ჩაუშვა პროგრამა “Green Initiative” (ეკოლოგიური ინიციატივა) და გახდა ერთ-ერთი პირველი ტექნოლოგიური კომპანია, რომელმაც გააცნობიერა ეკოლოგიურად სუფთა პროდუქტების აუცილებლობა. 2015 წელს Kingston-ის ინიციატივა აღინიშნა პრესტიჟული ჯილდოთი Green Dot Award, რომელიც გამორჩეული ეკოლოგიურად უსაფრთხო გზებით მიღებული პროდუქტისა და მომსახურებისთვის ენიჭებათ.
  5. დევიდ სანი და ჯონ ტუ აშშ-ში ცნობილები არიან თავიანთი ქველმოქმედებით, ყოველწლიურად სწირავენ მილიონობით დოლარს პროგრამებს განათლებისა და მედიცინის დარგში.
  6. 2007 წელს ბრიტანულმა გამოცემამ The Times, Kingston გამოაცხადა კონკურს Times Leadership Challenge-ის გამარჯვებულად, მსოფლიოს გაჭირვებულ რეგიონებში მნიშვნელოვანი პრობლემების გადაწყვეტისთვის, მათ შორის: წყლის გაწმენდისა და საცხოვრებელი რაიონების აღდგენის მიმართულებით.
  7. 2010 წელს Kingston Technology-იმ გამოუშვა USB ფლეშ მეხსიერება — “This is it” — რომელიც მაიკლ ჯექსონის არშემდგარ ტურს მიუძღვნა. მასზე დაყენებული იყო Windows Media Player და ჩაწერილი იყო დოკუმენტური ფილმი მომღერლის შესახებ.
  8. Kingston Technology-ის ფილოსოფია მდგომარეობს ლოზუნგში: „ჩვენ ვზრუნავთ ჩვენს თანამშრომლებზე და პარტნიორებზე, ისინი კი იზრუნებენ ჩვენს მომხმარებლებზე“.

Technologies, Awards, Records

  1. 2011 წელს Kingston Technology-მ შექმნა მსოფლიოში პირველი მეხსიერების მოწყობილობა DDR3, ტაქტური სიხშირის ავტომატური გაზრდის მხარდაჭერით — HyperX PnP.
  2. 2013 წელს Kingston Technology-მ წარმოადგინა მსოფლიოში პირველი „ფლეშკა“ 1TB მოცულობით, 2017 წელს კი მსოფლიოში პირველი „ფლეშკა“ — 2TB მოცულობით.
  3. 2021 წელს Kingston Technology-იმ, Intel და SK Hynix-თან ერთად გახდა ახალი თაობის ოპერატიული მეხსიერების DDR5-ის ერთ-ერთი შემმუშავებელი და მწარმოებელი.
  4. 2022 წლის აპრილში ტაივანელმა ოვერქლოქერმა კოვან იანგმა დაამყარა ახალი რეკორდი, Kingston FURY Beast DDR5-ის აჩქარებამ 10 004მჰც ეფექტურ სიხშირეს მიაღწია.
  5. 2022 წელს Kingston Technology-მ წარმოადგინა მსოფლიოში პირველი მეხსიერების მოდული DDR5 AMD Expo სერტიფიცირებით.
  6. კომპანიის დამაარსებლები შედიან აშშ-ს ყველაზე მდიდარი ადამიანების Forbes 100-ეულში.
  7. კომპანია Imation-სგან USB ტექნოლოგიისა და IronKey აქტივების შეძენის შემდეგ, 2016 წელს Kingston Technology გახდა დაშიფვრით დაცული USB მეხსიერების მსოფლიოში ყველაზე დიდი მომწოდებელი.
  8. Kingston Technology არის Advance Validation Labs (AVL) ლაბორატორიის მშობელი კომპანია, რომელიც წარმოადგენს კომპიუტერული მეხსიერებისა და ჩიპების ტესტირების მსოფლიო ცენტრს, ასევე ახარისხებს ჩიპებს წარმადობის მიხედვით. ლაბორატორია AVL ტესტავს როგორც Kingston-ის მიერ წარმოებულ მეხსიერებას, ასევე OEM და სხვა მწარმოებლების ჩიპებს.
  9. 2021 წლის სექტემბერში Advance Validation Labs (AVL) ლაბორატორია გახდა ერთადერთი გამტესტი ლაბორატორია, რომელიც ავტორიზებულია Intel-ის მიერ და უძღვებოდა ახალი თაობის ოპერატიული მეხსიერების DDR5-ის ვალიდურობის სრულ პროგრამას, ამ მწარმოებლის პლატფორმისთვის.

[პარტნიორის კონტენტი]

მე-19 საუკუნის ემოჯი — ყვავილების კოდირებული ენა

Google 3D ზარების ჯიხურებს რეალურ სამყაროში ცდის