სადაც უნდა გავიხედოთ, ყველგან რეკლამებია — ავტობუსის გაჩერებებზე გაკრული პოსტერებით დაწყებული, სატელევიზიო რგოლებითა და რადიოს ხმოვანი რეკლამებით დასრულებული. შესაბამისად, საკმაოდ რთულია შემოთავაზებებისგან თავის დაღწევა, რაც ხშირად შემაწუხებელიც კი ხდება.
მაგრამ რა მოხდება, თუ თითოეული რეკლამის მიღმა არსებულ კრეატიულობაზე დავფიქრდებით? ჩვენ ამას ხშირად ვაკეთებთ, მაგრამ უბრალო მომხმარებლებისთვის გაცილებით რთულია შემოქმედებით მხარეზე ფიქრი. ამის გათვალისწინებით, იტალიური თანამედროვე ხელოვნების ცენტრმა (CIMA) გადაწყვიტა, თავისი ახალი გამოფენით ბუნდოვანი საზღვრები განიხილოს ავანგარდულ ხელოვნებასა და კომერციულ პლაკატებს შორის, რომლებსაც ყოველდღიურად ვხედავთ.
გამოფენა აჩვენებს, თუ როგორ იქცა პოსტერები ქვეყანაში მხატვრული გამოხატვის „ვიზუალურ და კომუნიკაციურ ძალად“. ლითოგრაფიული ტექნიკის, ფოტომონტაჟისა და ტიპოგრაფიის უამრავი გამეორებით, რა თქმა უნდა, ჭეშმარიტად ჟღერს, რომ რეკლამა, რომელსაც ჩვენ ხშირად უგულებელყოფთ, შეიძლება ჩაითვალოს, როგორც ეპოქის სოციალურ-ეკონომიკური და ფილოსოფიური ინტერესების ასახვა და როგორც ხელოვნების ფორმა.
„ლითოგრაფიული ტექნიკის, ფოტომონტაჟისა და ტიპოგრაფიის უამრავი გამეორებით, რეკლამა, რომელსაც ხშირად უგულებელყოფთ, შეიძლება ჩაითვალოს, როგორც ეპოქის სოციალურ-ეკონომიკური და ფილოსოფიური ინტერესების ასახვა და ხელოვნების ერთ-ერთი ფორმა“, — აღნიშნავენ გამოფენის ორგანიზატორები.
