როგორც კოლუმბიის ბიზნეს სკოლის მკვლევარი ადამ მასტროიანი ამტკიცებს, 2000 წლამდე ყველაზე შემოსავლიანი ფილმების დაახლოებით 25% იყო სპინოფები, რიმეიქები ან კინემატოგრაფიული სამყაროს გაფართოებები. 2010 წლისთვის ეს მაჩვენებელი 50%-მდე გაიზარდა… ახლა კი 90%-ს გადააჭარბა.
მართალია, ეს მიმოხილვები კინომოყვარულებსა და ინდუსტრიის წარმომადგენლებს ეხება, მაგრამ ღრმა და ხანგრძლივ კვლევას ეფუძნება. ბრენდინგის ექსპერტის, ალექს მიურელის თქმით კი, ყველაფერი, მანქანებით დაწყებული,არქიტექტურით დასრულებული, ამ გამეორების პრინციპს ეფუძნება.
ნებისმიერ შემთხვევაში, გხიბლავთ თუ არა „წარსულში ტრიალი“, ეს შესანიშნავი საშუალებაა კომპანიებისთვის, რათა „ბრბოსგან გამოირჩეოდნენ“ და რაღაც განსაკუთრებული შექმნან.
მთელი სამყარო ერთმანეთშია ათქვეფილი
ნებისმიერ სფეროს უფრო ფართო მასშტაბით თუ შევხედავთ, აშკარა გახდება, რომ ყველაფერი ერთმანეთს ჰგავს — დაწყებული კაფეებით, დასრულებული ელექტრო მოწყობილობებითა და სოციალური მედიის ინფლუენსერებით. თითქმის ყველა კატეგორია გემოვნებიან, მაგრამ ნაკლებად შთამაგონებელ ესთეტიკას ექვემდებარება.
მაგალითად, ალექსი განმარტავს, რომ ყავის მაღაზიებისა და Airbnbs-ისთვის ეს საერთო ესთეტიკა „ბრუკლინური იერსახით“ გამოიხატება. ეს უკანასკნელი ინდუსტრიულ პიკს ასახავს, თავისი ედისონის ნათურებით, თეთრი კედლებითა და ხის რამდენიმე დეტალით. „ამის სანახავად საჭიროა, მხოლოდ თვალები გავახილოთ, ყველგან მსგავსი სივრცეებია“.
ანალოგიურად, მთელი მსოფლიოს ქალაქების არქიტექტურა ძალიან ჰგავს ერთმანეთს. მანქანები კი არა მხოლოდ კონსტრუქციით იმეორებს მსგავს ფორმებს, არამედ ფერებიც მონოტონურია. Jökull Solberg-ის მიერ გაზიარებული მონაცემების მიხედვით, 1996 წელს გაყიდული მანქანების დაახლოებით 40% შავი, თეთრი, ვერცხლისფერი ან ნაცრისფერი იყო. 20 წლის შემდეგ ეს მაჩვენებელი 80%-მდე გაიზარდა.
ცხადია, ადამიანის გენეტიკური მრავალფეროვნება მოულოდნელად არ შემცირებულა — ამას ხანგრძლივი პროცესი უძღოდა წინ, რაზეც ტენდენციების მარტივად გავრცელების შესაძლებლობებმაც იმოქმედა. ამ თვალსაზრისით, სოციალური მედიის ვირუსულობა იგულისხმება.
გამორჩეულობა უფრო მოთხოვნადი გახდა
ბიზნესის ან კრეატიული ინდუსტრიის წარმომადგენლები, რომლებიც სხვებისგან განსხვავებული პროდუქტის თუ სერვისის შემუშავებაზე მუშაობენ, განსაკუთრებულ ძალას უნდა გრძნობდნენ. თუმცა მხოლოდ განსხვავებულობა არ არის საკმარისი — გლობალური აუდიტორიის მოსაზიდად აუცილებელია, ადგილობრივი საჭიროებები ამოიცნოთ, რომლებიც ადვილად არ ითარგმნება.
ჯერ კიდევ 2017 წელს ინსტაგრამის შიდა მარკეტინგის ექსპერტები მხარს უჭერდნენ „უცნაური და რაღაც უჩვეულო“ იმიჯის მორგებას, რათა პლატფორმის სასიამოვნო ერთგვაროვნება გაერღვიათ. მთლიანობაში, რაღაც განსხვავებულის შექმნა ძალიან სარისკოა სამყაროში, სადაც ყველაფერი ერთმანეთს ჰგავს. თუმცა, როგორც წესი, რისკის საფასური ყოველთვის უფრო დიდია.
წყარო: Inc.
