ქუთაისის აეროპორტი მგზავრთა ნაკადის ზრდით, ევროპის ერთ-ერთი ლიდერია. ACI EUROPE-ის ცნობით, 2018 წლის ნოემბერში, წინა წლის იგივე მაჩვენებელთან შედარებით, აეროპორტი, 132.5 %-ით მეტ მგზავრს მოემსახურა.
მაღალი ზრდის მქონე აეროპორტებს შორის დაასახელეს თბილისის საერთაშორისო აეროპორტიც, სადაც მგზავრთა ნაკადი ნოემბერში 19.4 %-ით გაიზარდა.
2018 წლის განმავლობაში, საქართველოს აეროპორტები, სულ 5 033 323 მგზავრს მოემსახურა. 2017 წელთან შედარებით, მგზავრთა ნაკადი 23.55%-ით, 2016 წელთან შედარებით კი 77.20%-ით გაიზარდა.
