როგორც უკვე იცით, გურიის სოფელ ჩიბათის სკოლის მასწავლებელი ლადო აფხაზავა რამდენიმე თვის წინ, მსოფლიოს 50 საუკეთესო მასწავლებელს შორის მოხვდა. ახლა უკვე, ცნობილი გახდა, რომ იგი 50 მასწავლებლიდან ტოპ 10-ში შეარჩიეს, რაც ლადო აფხაზავას “მასწავლებლის გლობალური ჯილდოს” მოგების შანსს უზრდის. შეგახსენებთ, რომ ჯილდო 1 მილიონ დოლარს შეადგენს.
ლადო აფხაზავა 2010 წლიდან ლანჩხუთის მუნიციპალიტეტის სოფელ ჩიბათის საჯარო სკოლაში სამოქალაქო განათლების მასწავლებლად მუშაობს, ხოლო 2012 წლიდან მცირე საოჯახო სახლის მენეჯერია, სადაც რვა ბავშვი ცხოვრობს. აღსანიშნავია, რომ 1 წლის წინ იგი მასწავლებლის ეროვნული ჯილდოს მფლობელი გახდა.
