Lamborghini-ს ბრენდის სახელს გემოვნებიანი სპორტქარები უკავშირდება. იტალიური ავტომწარმოებელი რამდენიმე ათეული წელია საავტომობილო ინდუსტრიის შედევრებს ქმნის. 2023 წლის მდგომარეობით, ბრენდის ღირებულება $12 მლრდ-ია და კვლავაც განაგრძობს განვითარებას. სანამ თქვენ დილის გემრიელ ყავას შეექცევით, ვნახოთ, როგორ იწყებდა Lamborghini განვითარებას.
ბრენდის ჩამოყალიბება ფერუჩიო ლამბორგინის სახელს უკავშირდება. ის ბავშვობიდანვე იყო ძრავებით გატაცებული. კომპანია მან 1963 წელს დააარსა. ლამბორგინი დაიბადა ფერუჩიოს ბაბუის ფერმაში, ბოლონიის პროვინციაში. ბავშვობიდან გატაცებული იყო მექანიკური მოწყობილობებით და სიამოვნებით მუშაობდა ბაბუის ფერმის ტრაქტორებზე. ლამბორგინის მანქანებით გატაცება თექვსმეტი წლიდან დაიწყო, როდესაც მან თავისი პირველი მანქანით გაისეირნა.
მეორე მსოფლიო ომის დროს, ჯარში ჩაირიცხა. იმ ადგილას, გარშემო არსად იყო ავტომობილების ან სატვირთო მანქანების სარემონტო მაღაზია. მეორე მსოფლიო ომის შემდეგ, აგრო მოწყობილობების წარმოება დაიწყო. მისი კომპანია ქვეყნის ერთ-ერთ უმსხვილეს სასოფლო-სამეურნეო ტექნიკის მწარმოებლად იქცა. იტალიის საჰაერო ძალებში სამსახურის შემდეგ, ლამბორგინი დაბრუნდა სახლში და ტრაქტორების კომპანიაში მოეწყო სამუშაოდ. მოგვიანებით, ავტოფარეხი გახსნა და მანქანების შეკეთება და გაყიდვა დაიწყო. 1960-იანი წლების დასაწყისში ლამბორგინი წარმატებული გახდა ტრაქტორების ბიზნესში და სპორტქარებით სერიოზულად დაინტერესდა. ერთხელაც, Lamborghini-მ სრულიად ახალი Ferrari იყიდა. მან ჩათვალა, რომ ეს უფრო შეჯიბრის მანქანა იყო, ვიდრე ჩვეულებრივი საგზაო მანქანა, ვინაიდან მისი აზრით, Ferrari-ს ზედმეტი ხმაურისა და უხეში მართვის მექანიზმი ჰქონდა. მან ენცო ფერარის დახმარება შესთავაზა.
ფერარისთან უთანხმოების შემდეგ, Lamborghini-მ გადაწყვიტა თავად შეებიჯებინა სპორტქარების სამყაროში. 350 GT გახლდათ პირველი მანქანა, რომელიც Lamborghini-ს ბრენდის ქვეშ შეიქმნა. მას მოჰყვა 400 GT, Miura და Countach. Lamborghini-ის მანქანები ცნობილი იყო მათი ინოვაციური დიზაინით, ძლიერი ძრავებითა და პრემიალური მახასიათებლებით. დღეს, Lamborghini სახელწოდება მაღალი კლასის სპორტული მანქანების სინონიმია და კომპანიის მანქანები ფასდება კოლექციონერებისა და ენთუზიასტების მიერ მთელ მსოფლიოში.
მუდმივი განვითარება ლამბორგინიმ ცხოვრების წესად აქცია, რაც ბრენდის ცნობილი მოდელების Miura და Countach საფუძვლად იქცა. Lamborghini არ გახლავთ მხოლოდ ელეგანტურობა და სიმძლავრე. ის ერთნაირად საოცნებო ავტომობილად იქცა ენთუზიასტებისთვისაც და შეძლებული ადამიანებისთვისაც. Lamborghini-ს წარმატების საიდუმლო მისი განსხვავებული დიზაინ ფილოსოფია, ექსპერიმენტების სიყვარული და მარკეტინგული შესაძლებლობებია. ბრენდმა აქტიურად შემოიკრიბა გულშემატკივრები, რომლებიც მის ერთგულ მომხმარებლებად იქცნენ. Lamborghini-ის მემკვიდრეობა კვლავაც განაგრძობს არსებობას. მის მოდელებს კვლავაც ეძებენ კოლექციონერები მთელი მსოფლიოდან.
რუბრიკის „ყავასთან საკითხავი“ წარმდგენია Dunkin’.
