ლეგოში ყვავილების სეზონი დადგა — ბოტანიკური ნაკრების ახალ 2025 წლის კოლექციას გვიზიარებენ და ასე ყოველდღიურობისგან თერაპიულ თავის დაღწევის გზასაც გვთავაზობენ. ასაწყობ, ცოცხალის მსგავს მცენარეებსა და ყვავილებს 2021 წლიდან ქმნიან, თუმცა, ამასობაში, LEGO Botanicals-ის, როგორც ცალკე მდგომი კოლექციის ევოლუციის მომსწრენიც ვხდებით, რადგან საკუთარი ლოგოთი იწყებენ პოზიციონირებას…
ახალ შეთავაზებებს შორისაა LEGO Botanicals Pretty Pink Flower Bouquet ($59.99) ყვავილის 15 ტოტით და მრავალფეროვანი ფოთლებით. ნაკრები მოიცავს გვირილებს, ორქიდეებსა და ღიღილოებს, რაც მის შემქმნელებს საშუალებას აძლევს, შექმნან უნიკალური კომპოზიციები:
მორგებადი ღეროებით კი შეგეძლებათ, ლეგოს ყვავილები ნებისმიერ სივრცეს მოარგოთ და ასე სახლისა თუ ოფისის დეკორაციაც გაამრავალფეროვნოთ:
ახალ კოლექციაში LEGO Botanicals Mini Orchid-საც ($29.99) შეხვდებით, რომელიც ორქიდეების ელეგანტურობას ხუთი ყვავილითა და რამდენიმე კოკრით გვთავაზობს, თანაც ღია ყავისფერ ქოთანშია მოთავსებული:
LEGO Botanicals Lucky Bamboo ($29.99) კი ასაწყობ ბამბუკებს გვაცნობს, რომლებიც მშვიდი ატმოსფეროს შექმნაზე იზრუნებს:
ახალი კოლექცია ლეგოს თაიგულით სრულდება — LEGO Botanicals Flower Arrangement-ში ($109.99) მრავალი სახეობის ყვავილს შეხვდებით, მათ შორის კამელიასა და ჰორტენზიას. იმდენი დეტალისგან შედგება, რომ პერსონალიზაციასაც მარტივად შეძლებთ და თქვენში არსებული ფლორისტის გაღვიძების შესაძლებლობაც მოგეცემათ:
LEGO-ს 2025 წლის ბოტანიკური კოლექციის ნაკრების ფასი 29.99 დოლარიდან იწყება და 109.99 დოლარამდე ადის. მათ შეძენას კი LEGO-ს ვებგვერდზე შეძლებთ.
