მაშ ასე, შეიკრიბეთ Star Wars-ის ფანები!
LEGO-მ ახლახან დააანონსა ახალი კონსტრუქციული კომპლექტი – R2D2. ასე რომ, მალე საყვარელი დროიდის საკუთარ დეტალურ ვერსიას შექმნით, რომელიც მუდამ გვერდით გეყოლებათ. მართალია, მას არ აქვს ის შესაძლებლობები, რომლებსაც ფილმში ავლენს, თუმცა ხომ ხვდებით – ის მაინც R2D2-ია…
LEGO-ს R2D2 მასიური კონსტრუქციაა, რომელიც 2314 ლეგო-აგურს მოიცავს. ის საოცრად დეტალურადაა შექმნილი და ბევრი ისეთი საგნის შემცველია, რომლებიც ყველა გულშემატკივარს “ვარსკვლავური ომების” სამყაროში გადაიყვანს. მას თან ახლავს ჯედაის იარაღი, რომელიც ყველა გულშემატკივარს, ალბათ, ნოსტალგიურ ემოციას უღვიძებს.
აწყობილი R2D2 მართლაც შესანიშნავად გამოიყურება, განსაკუთრებით Lucasfilm 50 წლის იუბილესთან დაკავშირებულ ლეგო-ფიგურის გვერდით. შეგახსენებთ, რომ Lucasfilm ამერიკული კინო და სატელევიზიო პროდუქციის მწარმოებელი კომპანიაა, რომლის შვილობილ კომპანიასაც წარმოადგენს The Star Wars Corporation, Inc.
