ალბათ, ყველა ჩვენგანს ასობით და ათასობით ფოტო აქვს სმარტფონში, მაგრამ ზოგიერთი კადრი იმდენად კარგია, მხოლოდ ციფრული არსებობისთვის გვენანება… გვინდა, ამოვბეჭდოთ და რაღაც ხელშესახებ ნაწილად ვაქციოთ. სწორედ ეს იდეა გაცოცხლდა Kodak Moments-ის ახალ კამპანიაში, სახელწოდებით Let Your Home Tell Your Story.
დაწყებული კოლეჯის სტუდენტით, დასრულებული ოჯახით, რომელიც ბებიასთან დაკავშირებული მოგონებებით ტკბება, 15-30-წამიანი ვიდეორგოლები ადამიანების ცხოვრებისეული მომენტების ფართო სპექტრს ასახავს. „ყოველთვის განსხვავებულად შევიგრძნობთ მომენტებს, როცა ფოტოები სოციალურ მედიას სცდება და სახლის კედლებს იკავებს“, — ამბობს ჯონ კოვაჩევიჩი, სააგენტო SOS-ის დამფუძნებელი და კრეატიული დირექტორი. სწორედ ამ უკანასკნელმა იმუშავა კამპანიაზე.
