in

ლევან კილაძე – #პირველისამსახური

პირველი საქმე, რაშიც თანხა გადამიხადეს, იყო დედაჩემის სამსახურში, კონფერენციისთვის ვებგვერდის დამზადება. მახსოვს, 50 ლარი გადამიხადეს. მაშინ 14 წლის ვიყავი და ძალიან დიდი თანხა იყო ჩემთვის. წავედი და 5 საყვარელი მომღერლის კასეტა ვიყიდე “აუდიო+ვიდეო”-ში. ხოლო, მუშაობა 17-18 წლისამ დავიწყე – პირველ კურსზე ჩავაბარე თუ არა, უფროსმა მეგობრებმა გამიწიეს რეკომენდაცია. ჩემი პირველი სამსახური იყო კომპანია “ჯოენეთი” – იმ დროისთვის, ძალიან სწრაფად განვითარებადი, სატელეკომუნიკაციო კომპანია იყო, ე.წ. ინტერნეტ პროვაიდერი. ჩვენს ვებ-ჯგუფს, ევალებოდა ვებ-პროექტების კეთება. მაშინ შევქმენით ვებ-პორტალები ბალანსის საკონტროლოდ, melody.ge – პორტალი მუსიკის გადმოსაწერად (ამ დროს არც youtube არსებობდა და არც Spotify). მოგვიანებით, გავუშვით პირველი ქართული ელექტრონული ფოსტა GEOMAIL.GE და ვინაიდან მაშინ gmail-იც არ არსებობდა, ქართველ მომხმარებლებში საკმაოდ პოპულარული იყო.

 

პირველი დიდი შეცდომა და დაბრკოლება იყო მაშინ, როდესაც 18 წლისამ, შემთხვევით Geomail-ის სერვერზე 5000 ადამიანის ფოსტა წავშალე, მთლიანად!!! შემდეგ, უფროსი კოლეგა-მეგობრები, სანდრო და გოგა დამეხმარენ მონაცემების აღდგენაში..

ძალიან მიყვარდა ეს საქმე და ბატონმა ალეკომ (“ჯეონეთის” დირექტორმა) ვებ-ჯგუფის უფროსად დამნიშნა. დღემდე მაგრად მახსენდება ეს პერიოდი, ძალიან ბევრს ვსწავლობდი საქმის კეთების პროცესში.

ლევან კილაძე – “ლემონდუსა” და მის ჯგუფში შემავალი პროექტების: Lemondo Games, Lemondo Apps, TKT.GE, SS.GE, Domenebi.GE, wePark.GE, Snapfie, Gifebi… – თანადამფუძნებელი და ხელმძღვანელი.

ახალი ბრენდ დაპირებიდან 50 000-ზე მეტი ადამიანის ინდივიდუალურ საქართველომდე!

 „ზანდუკელი“ რაგბის კავშირის პარტნიორი და 18 და 20 წლამდე ნაკრებების სპონსორი გახდა