რომანოვების სასახლისა და ლიკანის ისტორიული კომპლექსის რესტავრაცია – რეაბილიტაცია, დაახლოებით, 3 წელიწადში დასრულდება. პროექტი უკვე მზადაა. კონცეფცია „საპარტნიორო ფონდმა“, „ლიკანის რეზიდენციამ“, „საქართველოს კულტურული მემკვიდრეობის დაცვის ეროვნულმა სააგენტომ“ და დარგის სპეციალისტებმა შეიმუშავეს და მედიის წარმომადგენლებს წარუდგინეს.
[embedyt] https://www.youtube.com/watch?v=HKRPTDc4a_g[/embedyt]
საპარტნიორო ფონდში ამბობენ, რომ, უახლოეს მომავალში, ტენდერი რეაბილიტაცია – რესტავრაციაზე, მკაცრი მოთხოვნებითა და პირობებით გამოცხადდება. გამარჯვებულის გამოვლენის შემდეგ კი დაიწყება რომანოვების სასახლისა და ლიკანის კომპლექსის აღდგენა-განახლების სამუშაოები.
„XIX საუკუნის ბოლოს აგებული ნიკოლოზ რომანოვის სასახლე, ყოფილი სამთავრობო რეზიდენცია და ორანჟერეა, ავთენტურობის დაცვით აღდგება. სასახლეში მოეწყობა მუზეუმი, კომპლექსის ტერიტორიაზე – სასტუმრო, საკონფერენციო დარბაზი, ვიზიტორთა ცენტრი, ადმინისტრაციული შენობა და საფეხმავლო ხიდი. დაგეგმილია ისტორიული პარკის კეთილმოწყობა. ასევე, განხორციელდება დენდროლოგიური გეგმა და პირველად, არსებობის განმავლობაში, ლიკანის ისტორიული კომპლექსი საქართველოს ტურისტული ინფრასტრუქტურის შემადგენელი ნაწილი გახდება“.
