არნოლდ შვარცენეგერს შეუძლია, რობოტად იქცეს ან ისეთი გმირული საქმეები აკეთოს, როგორიცაა ლეკვების თუ ადამიანების გადარჩენა. მის ფიზიკურ შესაძლებლობებზე არაერთი ფილმი გვინახავს, რეალურ ცხოვრებაშიც ბევრჯერ დაუმტკიცებია, რამდენად დიდი ძალა აქვს… თუმცა ერთი ნაკლი ყველას მოეძებნება. თურმე მისი „დაცინვაც“ კი დასაშვები ყოფილა თავისი ავსტრიული აქცენტის გამო.
ახლა Agent State Farm-ის რეკლამაზე ვსაუბრობთ, რომელიც Super Bowl 2024-ზე ვიხილეთ. როგორც ჩანს, შვარცენეგერს Neighbor-ის სწორად გამოთქმა უჭირს და გამუდმებით „ნეიბა“-ს იძახის. მართალია, ამას ვერაფერს შველის რეჟისორი, მაგრამ „ტყუპი ძმა“ დენი დევიტო რისთვისაა?!
