კომპანიებმა იციან, რომ უნდა განახორციელონ სიახლეები ციფრულ ეპოქაში ზრდის მოსაპოვებლად. ბოლო წლების განმავლობაში, მსხვილმა კომპანიებმა შექმნეს ინოვაციების ლაბორატორიები, აქსელერატორები, ჰაკათონები და გახსნეს ინოვაციური პროგრამები, რათა გასულიყვნენ თავიანთი საზღვრების მიღმა, ჰქონოდათ დიდი იდეები და ეტარებინათ ექსპერიმენტები.
თუმცა, ამ ძალისხმევის დიდი ნაწილი მცირე შედეგს იძლევა. კორპორაციული გუნდები უსწრებენ სტარტაპებს. ინოვაციური ლაბორატორიები იხურება მას შემდეგ, რაც ვერ აღწევენ ზრდას იმ მასშტაბით, როგორიც მნიშვნელოვანია ბიზნესისთვის. რატომ ხდება ასე და რა შეიძლება გაკეთდეს? არაერთხელ ყოფილა, რომ ამ წარუმატებლობის ძირითადი მიზეზი არის დაკარგული კავშირი სტრატეგიასა და ინოვაციებს შორის.
კორპორაციული ინოვაცია არ შეიძლება დაიწყოს ფერადი აზროვნებით და გარდაიქმნეს წარმატებულ სტარტაპად. ამის ნაცვლად, კომპანიებმა უნდა ისწავლონ ინოვაციური ძალისხმევის დაკავშირება სტრატეგიის ორ საყრდენთან: ზრდის პრიორიტეტების მკაფიო ნაკრები და კომპანიის უნიკალური უპირატესობების გაგება. ინოვაციების სტრატეგიასთან დაკავშირებულ ყოველ ნაბიჯზე, დამკვიდრებულ ბიზნესებს შეუძლიათ გამოიყენონ თავიანთი ძლიერი მხარეები ინოვაციების მიწოდებისთვის.
განსაზღვრეთ თქვენი სტრატეგიული პრიორიტეტები
პირველი სტრატეგიული კითხვა, რომელიც საკვანძო უნდა იყოს ნებისმიერი კორპორაციული ინოვაციური მცდელობისთვის, არის: რა არის სტრატეგიული პრიორიტეტები, რომლებიც ყველაზე მნიშვნელოვანია ჩვენი ბიზნესისთვის? პრობლემის საკითხი ემყარება სილიკონის ველის მეწარმეების საერთო სიბრძნეს, რომ „შეიყვარონ პრობლემა“, რომლის გადაჭრასაც ცდილობენ და არა ის გადაწყვეტა, რომელსაც იმედიანად უყურებენ. ეს შეიძლება იყოს მომხმარებლისთვის გადასაჭრელი პრობლემა ან ეს შეიძლება იყოს ბიზნესისთვის გადასაჭრელი პრობლემა.
განსაზღვრეთ თქვენი უნიკალური უპირატესობები
მეორე სტრატეგიული კითხვა, რომელიც საკვანძო უნდა იყოს ნებისმიერი კორპორაციული ინოვაციური მცდელობისთვის, არის: რა უნიკალური უპირატესობა აქვს ჩვენს ბიზნესს, კონკურენტებთან შედარებით? ეს შეიძლება იყოს ფიზიკური აქტივები, მონაცემები, ინტელექტუალური საკუთრება, ბრენდის რეპუტაცია ან სხვა ძლიერი მხარეები, რომლებიც განასხვავებენ თქვენს ბიზნესს, მატებენ თქვენს პროდუქტს ღირებულებას და მოგანიჭებთ კონკურენტულ უპირატესობას.
არსებული ძლიერი მხარეების გამოყენება დაგეხმარებათ ახალი საწარმოების ირგვლივ კონკურენტუნარიანი ტენდენციების ჩამოყალიბებაში და მოგცემთ „გამარჯვების უფლებას“ სხვებთან მიმართებაში, რომლებსაც მსგავსი სიახლეები შემოაქვთ ბაზარზე.
სტრატეგიისა და ინოვაციის დაკავშირების გასაღები არის ამ ორი სტრატეგიული პრინციპის ჩართვა თქვენი კორპორაციული ინოვაციური ძალისხმევის ყოველ ნაბიჯში. ეს მოიცავს ინოვაციურ ლაბორატორიებს, აქსელერატორებსა და ჰაკათონებს. ამ კავშირის მუშაობისთვის საჭიროა კორპორაციული ინოვაციების გადახედვა:
პირველი ნაბიჯი არის მრავალფუნქციური გუნდის შეკრება C-suite დონეზე, სხვადასხვა დეპარტამენტის წარმომადგენლებით. მათ ყურადღებით უნდა შეაფასონ თქვენი ბიზნესის უნიკალური უპირატესობები. შემდეგ, უნდა განსაზღვრონ სტრატეგიული პრიორიტეტები მომდევნო ერთიდან სამ წლამდე, კომპანიის უპირატესობებზე, მის კონკურენტულ ლანდშაფტსა და მომხმარებელთა საჭიროებების ღრმა ხედვებზე დაყრდნობით.
შემდეგი ნაბიჯი არის ამ სტრატეგიის გაზიარება თანამშრომლებთან, ორგანიზაციის მასშტაბით – როგორც მათ, ვინც ინოვაციური როლით სარგებლობს, ასევე მათ, ვინც ინოვაციას ახორციელებს. ვირტუალური ფორუმები, სტრატეგიული სემინარები და კომუნიკაციის ყველა საშუალება უნდა იყოს გამოყენებული, რათა ყველამ იცოდეს, რა პრობლემების გადაჭრას ცდილობს ბიზნესი და რა უნიკალური უპირატესობების გამოყენებას აპირებს.
ახალმა საწარმომ უნდა უპასუხოს ორ კითხვას: კავშირშია თუ არა ის სტრატეგიულ პრიორიტეტთან? პოტენციურად გამოიყენებს თუ არა ჩვენს ერთ-ერთ უნიკალურ უპირატესობას? მხოლოდ ის ინოვაციები, რომლებიც ემთხვევა თქვენს სტრატეგიის დღის წესრიგს, უნდა იყოს პრიორიტეტული – ანუ, მიეცეს დაფინანსების საწყისი რაუნდი.
წყარო: HBR
