სულ მალე, Spotlight Tech კვლავაც ჩატარდება. ტექნოლოგიებზე სასაუბროდ სტუმრები, 1-2 ივნისს, Raddison Blu Iveria-ში შეიკრიბებიან. ამჯერად, ღონისძიების მთავარი თემაა „გაკვეთილები“. Spotlight Tech 2018 წელს ჩამოყალიბდა, როდესაც ღონისძიება ამ მიმართულებით პირველად ჩატარდა. ამჯერად, ტექნოლოგიებზე სასაუბროდ, სფოთლაითი მონაწილეებს ორი დღის განმავლობაში უმასპინძლებს. 2013 წლიდან მოყოლებული, სფოთლაითი აერთიანებს ინდუსტრიის პროფესიონალებს და იქცა სივრცედ, რომელიც თავს უყრის ინდუსტრიის ასობით წარმომადგენელს და ერთმანეთში ცოდნისა თუ გამოცდილების გაზიარების საშუალებას აძლევს. ღონისძიების მხარდამჭერებს შორისაა „ლაიონ ტრანსი“. სფოთლაითთან მეგობრობაზე კომპანიის მარკეტინგის დეპარტამენტის ხელმძღვანელი ზინკა ბოროდკინა გვესაუბრა.
M: როგორც ვიცით, სფოთლაითის მხარდამჭერები პირველად ხართ – რატომ არის მნიშვნელოვანი თქვენთვის ღონისძიებასთან მეგობრობა?
პირველ რიგში, Spotlight 2013 წლიდან აერთიანებს სხვადასხვა დარგის ექსპერტებს და საშუალებას გვაძლევს გავუზიაროთ ერთმანეთს ისტორიები, პრაქტიკული ცოდნა, რჩევები… Spotlight არის პლატფორმა, სადაც შეგვიძლია გავიგოთ ამა თუ იმ მიმართულებების, უახლესი ტრენდების, სტრატეგიებისა და მიღწევების შესახებ.
ამ ღონისძიებით გვეძლევა უნიკალური შესაძლებლობა, დავამყაროთ კომუნიკაცია, როგორც ჩვენს მომხმარებლებთან, ასევე პარტნიორებთან, რაც შესაძლებლობას მოგვცემს მუდმივად მოვერგოთ ბაზრის ცვლილებებს, გამოვავლინოთ ზრდისა და ინოვაციის ახალი შესაძლებლობები.
ჩვენთვის Spotlight-თან თანამშრომლობა და მხარდაჭერა, გულისხმობს არამხოლოდ საკუთარ ბიზნესზე ორიენტირებულობას, არამედ გვსურს გავუზიაროთ ჩვენი ხედვა და გამოცდილება სხვადასხვა ბიზნეს სექტორებს.
M: როგორია თქვენი შეფასება – რა შეცვალა, რა გააუმჯობესა სფოთლაითმა, არსებობის განმავლობაში?
რაც შეეხება იმის შეფასებას, თუ რა შეიცვალა ან გაუმჯობესდა Spotlight-ის არსებობის განმავლობაში, აუცილებელია გავითვალისწინოთ მისი ევოლუცია ბოლო 10 წლის განმავლობაში. მარკეტინგისა და კომუნიკაციაზე ორიენტირებული ღონისძიების წამოწყებიდან, მის სხვა სფეროებში გაფართოებამდე, როგორიცაა ბიზნესი, სტარტაპები, ტექნოლოგიები და ინოვაციები, Spotlight გაიზარდა და ადაპტირდა თავისი აუდიტორიის ცვალებადი საჭიროებებსა და ინტერესების დასაკმაყოფილებლად.
ღონისძიებაზე წარმოდგენილია მრავალფეროვანი კონტენტი თემებისა და ინდუსტრიების უფრო ფართო სპექტრის დასაფარად, რაც ასახავს ისეთი სფეროების მზარდ მნიშვნელობას, როგორიცაა ტექნოლოგიები და ინოვაცია.
Spotlight, ასევე, სცდება ღონისძების სივრცეს და აღწევს უფრო ფართო აუდიტორიას სოციალური ქსელებისა და პლატფორმების მეშვეობით, სადაც ღონისძიების ვიდეოებს აქვს 15 მილიონზე მეტი ნახვა.
M: სფოთლაით ტექის მთავარი თემაა „გაკვეთილები“ – როგორია თქვენი მოლოდინი ღონისძიების მიმართ, ამ თემატიკის გათვალისწინებით?
იმის გათვალისწინებით, რომ Spotlight Tech-ის მთავარი თემაა „გაკვეთილები“, ჩვენ ველოდებით ინდუსტრიის ლიდერებისა და ექსპერტების მიერ გაზიარებულ ღირებულ და საინტერესო შეხედულებებს მათ გამოცდილებასა და „ნასწავლ გაკვეთილებზე“ დაყრდნობით. ვფიქრობთ, რომ დამსწრე საზოგადოებას ექნება უსაზღვრო სწავლის შესაძლებლობები და მიიღებს ღირებულ ცოდნას ძირითადი გამოსვლებიდან, რომლებსაც უძღვებიან სხვადასხვა დარგის ექსპერტები.
ასევე, მოუთმენლად ველით სხვა დამსწრეებთან დაკავშირების და იდეების, პროექტებისა თუ ინიციატივების გაზიარების შესაძლებლობებს. „გაკვეთილები“ დამსწრე საზოგადოებას დაეხმარება ინოვაციების დანერგვასა და ზრდა-განვითარებაში ახალი პერსპექტივების, სტრატეგიების, საუკეთესო პრაქტიკული ცოდნისა და ინოვაციური იდეების მიწოდებით. ასევე, ვფიქრობთ, რომ დამსწრეებს უფრო გაუადვილდებათ დაძლიონ გამოწვევები, გამოიყენონ შესაძლებლობები და იყვნენ კონკურენტუნარიანი სწრაფად განვითარებად ბაზარზე.
Spotlight Tech 2024-ის წარმდგენია საქართველოს ბანკი
გენერალური პარტნიორი: eTeam
ოქროს სპონსორი: Alta – Honor
ვერცხლის სპონსორები: Bolt, Wolt, Coinmania
ღონისძიების ოფიციალური ავტომობილი: Porsche
მხარდამჭერები: ლურჯი ოკეანე, Lion Trans, ავერსი, IT აკადემია STEP, Navne, Lutecia, Develor Georgia, Viber, ACT, Silk Hospitality.
