ჩინურმა ახალი ამბების კომპანია Xinhua-მ ტვიტერის გვერდზე ვიდეო გამოაქვეყნა, სადაც ჩანს, როგორ ურიგებს კარანტინში მყოფ ადამიანებს საკვებს რობოტი. სასტუმროში, რომელშიც აღნიშნული ვიდეოა გადაღებული სინგაპურიდან ჩამოსული 335 ადამიანი იმყოფება. ისინი კარანტინში მას შემდეგ მოათავსეს, რაც მათ თვითმფრინავში 2 ადამიანს კორონავირუსისთვის დამახასიათებელი რამდენიმე სიმპტომი აღმოაჩნდა.

ჯერჯერობით, ზუსტად ვერავინ ამბობს, დაინფიცირებულია, თუ არა ვინმე კარანტინში მყოფი ადამიანებიდან, თუმცა, მათთან კონტაქტის და შესაბამისად, დაინფიცირების შესაძლო რისკების თავიდან ასარიდებლად, სასტუმროს პერსონალს რობოტი სახელად Little Peanut ცვლის, არიგებს საკვებს და მოუწოდებს კარანტინში მყოფებს, დამატებითი საჭიროების შემთხვევაში, მისწერონ პერსონალს WeChat-ზე.

Amid a novel #coronavirus outbreak, robots are deployed to deliver meals to travelers in isolation at a hotel in Hangzhou, China. #pneumonia pic.twitter.com/BgWZm4L1m6

— China Xinhua News (@XHNews) January 27, 2020

29 იანვრის დილის მონაცემებით, კორონავირუსით, მსოფლიოს მასშტაბით, 132 ადამიანია დაღუპული, ხოლო 6 000 დაინფიცირებული.