“სერვისის გაუმჯობესების მიზნით, თქვენი საუბარი იწერება” – ასეთ ფრაზას რომელიმე ქოლ-ცენტრში დარეკვისას ყოველდღიურად ვისმენთ. პლატფორმა, რაზეც დღეს გვექნება საუბარი, სერვისის გაუმჯობესებას მართლაც ისახავს მიზნად, უბრალოდ, ცოტა განსხვავებული გზით…
მოგეხსენებათ, დღეს, ინტერნეტი განვითარების პიკშია, ხოლო ონლაინ კომუნიკაცია სულ უფრო მნიშვნელოვანი ხდება. კომპანიების გაყიდვების დიდი ნაწილი ინტერნეტის მიმართულებით გადადის და ელვის სისწრაფით იზრდება მოთხოვნა სწრაფ საკომუნიკაციო არხებზე. თუკი, ჯერ კიდევ ახლო წარსულში, კონსულტაციისთვის მაღაზიები და ოფისები სათითაოდ უნდა მოგვევლო და გრძელ რიგებში ჩავმდგარიყავით, დღეს, მთელი რიგი კომპანიების ოპერატორები ონლაინ ჩატში მყისიერად პასუხობენ მომხმარებლებს და სასურველ ინფორმაციას აწვდიან. აქტიურია ცხელი ხაზიც, რომელზე დარეკვაც მობილურითაა შესაძლებელი. თუმცა, მომხმარებლის მოთხოვნა, კიდევ უფრო ოპერატიულად მიიღოს ინფორმაცია, პერმანენტულად მატულობს და ჩნდება საჭიროება, ყველა საკომუნიკაციო არხი ერთ პლატფორმაზე იყოს მოქცეული. ამგვარად, იზრდება კომპანიის ვებგვერდის ფუნქცია, ბიზნესის კეთებისას, მომხმარებელთან სწრაფი და მარტივი კომუნიკაციის საჭიროებიდან გამომდინარე. თანამედროვე სერვისის ამ გამოწვევას ქართულმა სტარტაპმა LiveCaller ონლაინ დარეკვის სერვისით უპასუხა. პლატფორმა LiveCaller არის ონლაინ ხელსაწყო, რომელიც საშუალებას აძლევს კომპანიებს, კომუნიკაცია დაამყარონ მათ მომხმარებელთან პირდაპირ თავიანთივე ვებგვერდზე.
“დღეს, კომპანიასთან შეგიძლია ონლაინ იკომუნიკაციო ელ-ფოსტის ან ონლაინ ჩატის საშუალებით. თუმცა არსებობს, მომხარებლის დიდი რაოდენობა, რომელსაც ურჩევნია პირადად გასაუბრება კომპანიის წარმომადგენლებთან. ამიტომ, გადავწყვიტეთ ონლაინ ქოლის გაკეთება, რომელიც საშუალებას მიცემს მომხარებელს პირდაპირ კომპანიის ვებგვერდიდან დაურეკონ ორგანიზაციას, ელაპარაკონ და იჩათაონ. ესაა არის მარტივი ვიჯეტი, რომელიც ჯდება კომპანიის ვებგვერდზე, ვიზიტორი კი, ერთი კლიკით ურეკავს კომპანიას და ელაპრაკება ნებისმიერი მოწყობილობიდან (ლეპტოპი, კომპიუტერი, მობილური, ტაბლეტი). ლაპარაკთან ერთად, ვებვიზიტორს შეუძლია მისწეროს (chat) კიდეც. ვიზიტორისთვის ეს არის სრულიად უფასო, ასევე არ მოითხოვს რაიმე პროგრამის დაყენებას. ყველაფერი ხდება მარტივად, ვებგვერდის საშუალებით. განსაკუთრებით აღსანიშნავია, რომ მომხმარებლებს, რომლებიც საერთაშორისო კომპანიაში რეკავენ საზღვარგარეთ, შეეძლებათ უფასოდ დაუკავშირდნენ მათ (რა თქმა უნდა, კომპანია უნდა იყენებდეს LiveCaller-ს)”, – ამბობს LiveCaller-ის მარკეტინგის ხელმძღვანელი, მერაბ გოცირიძე.
M: როგორ ფიქრობთ, მზად არის ქართული ბაზარი ასეთი ციფრული პროდუქტისთვის?
სრულიად მზად არის, საქართველოში საკმაოდ განვითრდა ციფრული ბაზარი, გვაქვს საკმაოდ კარგი ინტერნეტ სიჩქარე, განვითარებულია კომპანიების ქოლ ცენტრი და ახლა არის ქართული კომპანიებისთვის საუკეთესო მომენტი გამოიყენონ LiveCaller, რადგან კომპანიების უმეტესობას სურს ვებგვერდის დახვეწა, მომხარებელზე მორგება და მისი გამოყენების გაზრდა. სწორედ ამაში საუკეთესოდ დაეხმარება LiveCaller კომპანიებს. ნებისმიერი კითხვის შემთხვეავში პროდუქტთან ან სერვისთან დაკავშირებით, მომხარებელი მარტივად და უფასოდ რეკავს ვებგვერდიდან, რაც ზუსტადად რომ მიეხმარება კომპანიებს მარტივად გაყიდონ პროდუქტი ან სერვისი.
M: ვისთვისაა LiveCaller, ვის მოიაზრებთ სამიზნე სეგმენტად?
ჩვენი სამიზნე აუდიტორია არიან კომპანიები, რომლებსაც აქვთ ქოლ ცენტრი (თუნდაც ერთი ადამიანი, ვინც ზარს პასუხსობს) და აქტიური ვებგვერდი და ვისაც სურას გაყიდვების გაზრდა და სერვისის გაუმჯობესება. უფრო დეტალურად თუ ჩავალთ, საკმაოდ დიდი დაინტერესებაა კომპანიებისგან ვისაც ჰყავს უცხოელი კლიენტები, ასევე ეკონტაქტებიან ემიგრანტები, მაგალითად, სამშენებლო კომპანიები, ტურისტული კომპანიები, მანქანის გაქირავება და ა.შ. ეს იმიტომ, რომ ლაივქოლერის საშუალებით მათი მომხმარებელი უფასოდ და მარტივად შეძლებს კომპანიასთან დაკავშირებას, რაც თავის მხრივ, გაუზრდის გაყიდვებს. ასევე, საკმაოდ დიდი დაინტერესებაა ელექტრონული კომერციის ტიპის ვებგვერდებისგან, ფინანსური სექტორისგან და ისეთი პროდუქტების მქონე კომპანიებისგან, რომლებთაც საკმაოდ რთულად მოსახმარი ვებგვერდი ან პროდუქტი აქვთ.
M: რას გაუმარტივებს LiveCaller ბიზნესს?
LiveCaller ბიზნესს ეხმარება რამდენიმე მიმართულებით: გაყიდვების გაზრდა, მომხმარებელთან კმაყოფილების გაზრდა, გაუმჯობესებული სერვისის შეთავაზება.
M: ვინ ქმნის LiveCaller-ს?
LiveCaller-ის დამფუძნებელთა გუნდი შედგება სამი წევრისგან. ნიკა გაბუნია, წარმატებული ციფრული სააგენტო AdvertWise-ის თანადამფუძნებელი. ნიკას აქვს 9 წლიანი გამოცდილება ბიზნეს და მარკეტინგის მიმართულებით. გიგა გოცირიძე, რომელიც არის ქართული წარმატებული VoiP კომპანიის დამფუძნებელი და ტექნიკურ დირექტორი. გიორგი ჩადუნელი, 9 წლიანი გამოცდილებით, დეველოპმენტის გამოცდილებით. გუნდი შეიკრა გამოცდილებისა და ექსპერტიზის მიხედვით, ნიკა ბიზნეს მიმართულებაზე არის პასუხისმგებელი, გიგა VoiP ინფრასტრუქტურაზე, ხოლო გიორგი დეველოპმენტზე.
M: გვიამბეთ LiveCaller-ის უცხოური ანალოგებზე. ასევე, რა არის LiveCaller-ის კონკურენტული უპირატესობა?
ტექნოლოგია, რომელზეც აწყობილია LiveCaller არის საკმაოდ ახალი, შესაბამისად, უცხოური ანალოგები საკმაოდ ცოტაა. ეს ბაზარი ახლა ვითარდება. ერთ-ერთი ანალოგი არის რუსული კომპანია Zingaya, რომელიც რუსულ და ამერიკულ ბაზარზეა ორიენტირებული. ჩვენი მთვარი უპირატესობაა ჩვენი VoiP ინფრასტრუქტურაა, რაც გულისხმობს ზარების განხორციელებას უფასოდ. Zingaya-ს შემთხვევაში, ისინი იყენებენ მესამე მხარეს, ზარის განსახორციელებლად, რაშიც ყოველ ნალაპარაკებ წუთში იხდიან თანხას, ჩვენ კი, ჩვენი ინფრასტრუქტურის საშუალებით, ეს ხარჯი არ გვაქვს, რაც უდიდესი წინ გადადგმული ნაბიჯია.
გარდა ამისა, არის პატარა დეტალები, როგორიცაა UX მხარე, რაშიც ჩვენი პროდუქტი ბევრად სჯობს კონკურენტებს. სტატისტიკური მონაცემები და ანალიტიკა, რომელსაც ძალიან დეტალურად ვაწვდით ჩვენ მომხარებელბს, რაც ასევე არ აქვთ ჩვენ კონკურენტებს, ინტეგრაცია ყველა ბრაუზერთან და მოწყობილბოასთან, რაც ასევე ჩვენი უპირატესობაა (LiveCaller მუშაობს ყველა მოწყობილობაზე და ბრაუზერში, კონკურენტებისგან განსვავებით).
გარდა ამისა, არის კიდევ ბევრი მცირე დეტალი რითითაც განვსხვავდებით კონკურენტებისგან, მაგრამ ამაზე საუბარი შორს წაგვიყვანს.
პირველ და მესამე შემთხვევაში, ეს ყველაფერი ხდება ძალიან მალე. ყველაფერი მზადაა და ბიზნესს შეუძლია იმ დღიდან დაიწყოს ზარების მიღება, როდესაც “ლაივქოლერს” დააყენებს ვებგვერდზე, ხოლო იმ შემთხვევაში, თუ ინტეგრაციას ვაკეთებთ ბიზნესის შიდა ქოლ ცენტრის პროგრამასთან, არც ეს არის პრობლემა და დაახლოებით, 2 დღე სჭირდება სრულ ინტეგრაციას. ამის შემდეგ, კომპანიის ქოლცენტრი მიიღებს ზარს ზუსტად ისე, როგორც ტელეფონიდან დარეკილ ზარებს პასუხობენ.
ავტორი: თამარ მეფარიშვილი
