ვებგვერდ Numbeo-ს მონაცემებით, ცხოვრების სიიაფის მიხედვით, ასჩვიდმეტ ქვეყანას შორის, საქართველო მეთორმეტე ადგილზეა. Numbeo მსოფლიოს ერთ-ერთი უმსხვილესი მონაცემთა ბაზაა, რომელიც მსოფლიოს ქალაქებისა და ქვეყნების შესახებ მოიცავს ინფორმაციას და საჯაროდ ხელმისაწვდომ სტატისტიკას ქმნის, ყოველდღიური, ბინის ქირის, ჯანმრთელობის, გადაადგილებისა და სხვა ხარჯების მიხედვით. რეიტინგში საქართველოს 30.14 ქულა აქვს და ის ადგილს ალჟირსა და ბანგლადეშს შორის იკავებს. Numbeo-ს მიხედვით, ცხოვრება ყველაზე იაფი პაკისტანში ჯდება, ყველაზე ძვირი კი – შვეიცარიაში.
