„ფინკა ბანკი“ მომხმარებლებს ახალ პროდუქტს, ავტოსესხს სთავაზობს. მომსახურების წარსადგენად, მათ, სპეციალური კამპანია დაიწყეს, რომლის მთავარი გზავნილია „მიიღე ავტოსესხი მეგობარი ავტომობილისაგან“. „კამპანიის მთავარი საკომუნიკაციო ინსტრუმენტი 2 ვიდეორგოლია, სადაც „ფინკა ბანკის“ წარმომადგენლების თქმით, განსხვავებულად არის ასახული ურთიერთობა ავტომანქანის მფლობელსა და მის მეგობარ ავტომანქანას შორის. როგორც კომპანიაში ამბობენ, მომხმარებელს წინ კიდევ ბევრი საინტერესო აქტივობა ელოდება.
კომპანიის მარკეტინგისა და პიარის დეპარტამენტის უფროსი მარიამ ესებუა ამბობს, რომ მთავარი მიზანი ბაზარზე ერთ-ერთი ყველაზე მოთხოვნადი და პოპულარული სესხის მომხმარებლებისათვის კრეატიულად წარდგენა იყო.
„როდესაც თანხა სწრაფად გჭირდება, პირველ რიგში, ხომ უახლოეს მეგობარს მიმართავ?! მეგობარს, რომელიც უსიტყვოდ ხვდება შენს სურვილს და რომლის მხარდაჭერისა და გვერდში დგომის იმედი მუდამ გაქვს. ავტომანქანაც ხომ მეგობარია: შენ მასზე ზრუნავ და ისიც ყოველთვის მზადაა, გასესხოს ფული“, – ამბობს მარიამ ესებუა.
პროექტზე „ფინკა ბანკის“ გუნდმა კომპანია Inspiration Marketing-თან ერთად იმუშავა.
Credits:
შემოქმედებითი ხელმძღვანელი: Leonard Griffin
რეჟისორი: გიორგი ოკმელაშვილი
დამდგმელი ოპერატორი: გოგა დევდარიანი
აღმასრულებელი პროდიუსერი: თამი მორჩილაძე
კასტინგი: თინათინ ხიზანიშვილი
პროდაქშენ დიზაინერი: თეკლა ბერძენიშვილი
[R]
