Logo Lounge.com-მა – „მსოფლიოს უდიდესმა ლოგოს საძიებო სისტემამ”, გამოაქვეყნა ლოგოს დიზაინის ტენდენციების ყოველწლიური გამოცემა, რომელშიც შეგიძლიათ, იპოვნოთ 15 სტილი. Logo Lounge-ის ანგარიშში შესული ვიზუალები, წლის განმავლობაში, საიტზე განთავსებული 25 000 ლოგოდან შეირჩა.
მიმოხილვის ავტორმა, ბილ გარდენმა, აღნიშნა, რომ 2016 წლის რამდენიმე ტენდენცია წელსაც გრძელდება. მიუხედავად განსხვავებებისა, 2017-შიც მნიშვნელოვანი თემებია: სიმარტივე, გეომეტრია და ზოლები.
საინტერესოა დიზაინერული ტენდენციების მიმოხილვების წაკითხვა, არა იმითვის, რომ მივბაძოთ პოპულარულ ნიმუშებს, არამედ გამოვიყენოთ ისინი ცოდნის დასაგროვებლად და ჩვენი კრეატიული საქმიანობის შთაგონებად.
Logo Lounge-ს მიმოხილვაში ფრთხილადაა შერჩეული არსებული ბრენდების ლოგოები. წარმოგიდგენთ Logo Lounge-ის მიხედვით, ლოგოდიზაინის ტენდენციებს. მათ შორის, თქვენ შეგიძლიათ იცნოთ არაერთი წარმატებული ბრენდი, მაგალითად, როგორიცაა: Mastercard, MetLife და Mozilla.
