14
May
2019

ამოატრიალეთ ლონდონის მეტროსადგურები და თქვენ კოსმოსურ ხომალდს შექმნით! – მელი ბაღდავაძის ფოტოპროექტი

14 May 2019

ლონდონის მეტროპოლიტენის სადგურები ფოტოებზე ან რეალობაში, შესაძლოა, გინახავთ, თუმცა თითქმის დარწმუნებულები ვართ, რომ მის კოსმიურ შესაძლებლობებზე არასდროს გიფიქრიათ. „ამოაბრუნეთ ლონდონის მეტრო და თქვენ კოსმოსურ ხომალდს შექმნით“ – ამბობს „ლივინგსტონის“ აღმასრულებელი პროდიუსერი, მელი ბაღდავაძე და ფოტოპროექტის შექმნის ინსპირაციაზეც ჰყვება: „ტელეფონი უკუღმა მეჭირა, ფოტო რომ თავისით შემობრუნდა. პირველად ვიფიქრე, რომ კოსმოსურ ხომალდს ვუყურებდი, მაგრამ მერე გავაანალიზე – ეს ჩემი ფოტო იყო. სადგურის. მეტროში. და ასე დავიწყე ლონდონის მეტროპოლიტენის სადგურების გადაღება. ყველგან კოსმოსურ ხომალდს ვხედავდი…“

მელი ბაღდავაძე: „ფოტოების Bored Panda-ზე დადება ნიკა გუჯეჯიანის საპატივსაცემოდ, მისი გარდაცვალების შემდეგ გადავწყვიტე, რადგან სულ მეუბნებოდა, რომ დამედო. ალბათ, ცოტა დავიგვიანე, მაგრამ ვიცი, გაგიხარდებოდა.. “Rest in peace, bro“

განხილვა