L’Oreal ექსკლუზიურ მოლაპარაკებებს აწარმოებს Clarins Group-თან, კოსმეტიკურ კომპანიას Mugler-ისა და Azzaro-ს ყიდვა სურს. თუ მოლაპარაკება შედგება, ფრანგული ბრენდი ბაზარზე წილსა და სამიზნე აუდიტორიას გააფართოებს. ასევე, გაზრდის საქმიანობის სფეროს – მოდის ინდუსტრიაშიც ეცდება თავის დამკვიდრებას.
„მოხარულები ვიქნებით, Mugler და Azzaro ჩვენს ჯგუფში ვიხილოთ. კომპანიის ბრენდების პორტფელისთვის შესანიშნავი მონაპოვარი იქნება“, – ამბობს L’Oreal Luxe-ის ხელმძღვანელმა სირილ შაპუნი.
კომპანიის წარმომადგენლებს არ უსაუბრიათ გარიგების ღირებულებაზე, თუმცა, აღნიშნეს, რომ მოლაპარაკებები 2019 წლის ბოლომდე დასრულდება.
L’Oreal კოსმეტიკასა და თავის მოვლის საშუალებებს ბრენდების – Lancome, Garnier, Vichy, Maybelline, Kiehl’s – ქვეშ აწარმოებს. კომპანიის აქციების ფასი, ამ კვირაში, 0,5%-ით გაძვირდა. 2019 წლის დასაწყისიდან, ბრენდის კაპიტალიზაცია 24,5 %-ით, 139,1 მილიარდ ევრომდე გაიზარდა.
