წინანდლის მამულმა Luxe Global Awards 2024-ის 3 ნომინაციაში გამარჯვება მოიპოვა: საუკეთესო ისტორიული სასტუმრო, საუკეთესო კულტურული სასტუმრო და საუკეთესო ღვინის მამულის სასტუმრო.
Luxe Global ყოველწლიურად ასახელებს გამორჩეულ ობიექტებს სტუმარმასპინძლობის სფეროში მთელი მსოფლიოს მასშტაბით. კონკურსში გამარჯვების ერთ–ერთი მთავარი განმსაზღვრელი კი კომპანიის სწრაფვა განვითარებისა და სრულყოფისაკენ, რაც წინანდლის მამულის მიზნებსა და ხედვებს ზუსტად შეესაბამება.
სილქ როუდ ჯგუფის „წინანდლის მამულის რადისონ ქოლექშენი“ ერთ–ერთი ყველაზე გამორჩეული სასტუმროა საქართველოში. მთელი წლის მანძილზე გარდა საუკეთესო დასვენებისა, სასტუმრო მრავალფეროვან კულტურულ და შემეცნებით ღონისძიებებს სთავაზობს სტუმრებს. გამოირჩევა წინანდლის ფესტივალით, ღვინის სიმპოზიუმით, გიორგობისთვით და სხვა მრავალი ღონისძიებით. სწორედ ამიტომ, „წინანდლის მამულის რადისონ ქოლექშენი” საქართველოში მნიშვნელოვანი კულტურული კერაა. მის განვითარებასა და მართვაზე კი სილქ ჰოსფითალითი ზრუნავს.
[R]
