Macy’s-ის საახალწლო ვიდეორგოლი ყველაფერია, რასაც ეს განსაკუთრებული დღესასწაული მოიცავს. სააგენტო BBDO-ს მიერ მომზადებული 2 წუთიანი საოცრად ემოციური ახალი რეკლამა, ნებისმიერ მაყურებელს კარგ განწყობას შეუქმნის და კიდევ ერთხელ შეახსენებს რამხელა მნიშვნელობის და ბედნიერების მომტანი შეიძლება იყოს, თუნდაც უმნიშვნელო, პატარა საჩუქარიც კი. შუქურას სინათლით და ლამაზი გოგონათი მოხიბლული პატარა საყვარელი ბიჭი საახალწლოდ სპეციალურად მორზეს კოდს სწავლობს, რათა თავისი ოთახის ფანჯრიდან მაგიდის ნათურის საშუალებით კოშკში მცხოვრებ გოგონას საახალწლო მოპატიჟება გადასცეს.
