როგორც წესი, ნაყინზე მოთხოვნა ტემპერატურასთან ერთად იკლებს, თუმცა Magnum-ის შავ-თეთრი ვიდეორგოლი ამ მოცემულობის შეცვლისკენ მოგვიწოდებს. „Find Your Summer“ ზამთრის სიბნელეს, თოვლს, მოღრუბლულ ცას და მოღუშულ ადამიანებს ასახავს — თითქოს, ყველაფერი იმიტომაა ასე მოსაწყენი, რომ წელიწადის ამ დროს ნაყინი გვაკლია.
ამავდროულად, ყველას გვიყვარს ის თბილი გრძნობა, რომელიც ზამთარში მზის გამონათებას მოჰყვება. ნაყინის ბრენდმა კი მზის თითოეული სხივი პირდაპირ დაუკავშირა ნაყინის ჭამის მოტივაციას.
