24
Oct
2019

“გამოცდილება, რომელსაც ერთად ვქმნით“ – Majorel-ის HR ბიზნეს პარტნიორი ნინო ქევხიშვილი

24 Oct 2019

დასაქმების ბაზარზე არც ისე ადვილია ისეთი სამსახურის პოვნა, სადაც გამოცდილება გადამწყვეტი ფაქტორს არ წარმოადგენს, თუმცა მეიჯერელზე ამას ნამდვილად ვერ ვიტყვით. ქართულ ბაზარზე, 2016 წელს arvato bertelsmann-ის სახელით შემოვიდა, ხოლო, 2019 წელს კომპანიამ მნიშვნელოვანი ცვლილებები განიცადა,  arvato bertelsmann-სა და Saham- ის გაერთიანებით წარმოიქმნა სრულიად ახალი ბრენდი Majorel-ი, რომელიც ერთ-ერთი მსხვილი კომპანიაა ბიზნეს პროცესების აუთსორსინგის (BPO Sector) სფეროში, მსოფლიოს მასშტაბით 29 ქვეყანაში ოპერირებს და თანამშრომელთა რაოდენობა 48,000-ს უტოლდება.

საქართველოში, თბილისის ორ ოფისსა და ქუთაისის ერთ ოფისში უკვე 1000 ადამიანია დასაქმებული. მეიჯერელის თანამშრომლები მსოფლიოში ცნობილი კომპანიების მომხმარებლებს  ეხმარებიან საჭირო ინფორმაციის მოძიებაში, პასუხობენ მათ შეკითხვებს და პრობლემის გადაჭრის გზებს სთავაზობენ. მეიჯერელ საქართველო 6 განსხვავებულ პროექტს ახორციელებს. კომპანიის წარმომადგენლების განცხადებით, დასაქმების მთავარ კრიტერიუმად, მაღალი მოტივაცია და იმ კონკრეტული ენის ცოდნა სახელდება, რომელსაც გამოცხადებული პოზიცია მოითხოვს, ხოლო სამუშაოდ საჭირო უნარ-ჩვევებს ადგილზე ასწავლიან.

ჩვენი დღევანდელი რესპონდენტი Majorel-ის HR ბიზნეს პარტნიორი ნინო ქევხიშვილია, რომელმაც მუშაობა ამავე კომპანიაში, თავდაპირველად, კლიენტთა მომსახურების წარმომადგენლის პოზიციაზე დაიწყო.

M: როგორ აღმოჩნდით Majorel-ში?

2016 წელს, გერმანიიდან დროებით დავბრუნდი საქართველოში და შემთხვევით აღმოვაჩინე arvato bertelsmann-ის წარომომადგენლობა თბილისში, რომელსაც გამოცხადებული ჰქონდა ვაკანსია გერმანულენოვანი აგენტის პოზიციაზე. გასაუბრებაზე მოსულს დამხვდა მეგობრული და პროფესიონალური გარემო. ჩემთვის ძალიან მნიშვნელოვანი აღმოჩენა იყვნენ ადამიანები, რომლებიც აქ მუშაობდნენ, თითოეული მათგანი დაწყებული მიმღების თანამშრომლით დამთავრებული HR ხელმძღვანელით, ყველა პროცესს უდიდესი პასუხისმგებლობით ეკიდებოდა. გადავწყვიტე, აუცილებლად დავრჩენილიყავი, თუნდაც რამდენიმე თვით მაინც, მაგრამ მუშაობის დაწყებიდან დაახლოებით ერთ თვეში გამოცხადდა პოზიცია HR განყოფილებაში და მომეცა პროფესიული განვითარების საშუალება. დღეს, ჩემი, როგორც HR ბიზნეს პარტნიორის ფუნქციაა პროექტის თანამშრომლებზე მაქსიმალურად ორიენტირებული გარემოს შექმნა, არსებული პროცესების დახვეწა, თანამშრომელთა კმაყოფილების დონის შენარჩუნება და მათი პროფესიული ზრდა.

ბედნიერი ვარ ჩემი გადაწყვეტილებით, რომ გავხდი ამ დიდი, საერთაშორისო გამოცდილების მქონე მეგობრული ოჯახის წევრი.

M: კლინეტთა მომსახურების წარმომადგენლის პოზიციიდან ბიზნეს პარტნიორად როგორ იქეცით?

ეტაპობრივად. თავიდან დავიწყე HR ასისტენტად, შემდეგ გავხდი HR სპეციალისტი, სენიორ HR სპეციალისტი და შემდგომ, HR ბიზნეს პარტნიორი. ალბათ, სწორედ ეს არის ჩვენი კომპანიის უპირატესობაც. გაძლევს სრულ თავისუფლებას, გამოიყენო შენი შესაძლებლობები და შეძლო თვითრეალიზება. იწყებ საწყისი პოზიციიდან და ეტაპობრივად მიყვები. თანაც, არ გაქვს ისეთი შეგრძნება, რომ შენი შესაძლებლობები ამოწურე – მუდმივად რაღაც სიახლის ნაწილი ხარ. ყველაფერი თანამშრომლის მონდომებაზეა დამოკიდებული. ჩვენ ორიენტირებული ვართ ხელი შევუწყოთ თითოეული თანამშრომლის განვითარებას, და სწორედ ამიტომ, ყველა ტიპის ვაკანსიაზე პრიორიტეტი ჯერ ორგანიზაციის თანამშრომლებს ენიჭებათ, ხოლო შემდეგ უკვე, გარე კადრებს.

M: როგორ ზრუნავთ თანამშრომლების სამუშაოთი კმაყოფილებასა და განვითარებაზე?

უამრავ ადამიანთან მქონია გასაუბრება. ყველაზე დიდი ინტერესი კანდიდატების მხრიდან ანაზღაურებას და მომავალ განვითარებას უკავშირდება. ჩვენ გვაქვს სხვადასხვა ბენეფიტი თანამშრომლებისთვის, ჯანმრთელობის დაზღვევას მათთვის და მათი ოჯახის წევრებისთვის, საღამო საათებში ტრანსპორტირების უზრუნველყოფა, საბონუსე სისტემა, ტრენინგები, შიდა ღონისძიებები და აქტივობები და რაც ალბათ მდედრობითი სქესის წამრომადგენლებს ძალიან გააოცებთ, არის 9 თვიანი დეკრეტული შვებულება. თითოეული ჩვენი ბენეფიტი მიმართულია თანამშრომლების კმაყოფილების დონის ზრდაზე.

სამუშო საათების კუთხითაც ძალიან მოქნილები ვართ, სტუდენტებს ხელს ვუწყობთ, შეუთავსონ სამსახური სწავლას, არდადაგების პერიოდში კი ვასაქმებთ სკოლის მოსწავლეებსაც და ვეხმარებით მათ პირველი სამუშაო გამოცდილების შეძენაში, ხშირად, ეს ადამიანები სკოლის დასრულების შემდეგ ბრუნდებიან ჩვენთან, რათა დასაქმდნენ სრულ განაკვეთზე, და ალბათ ესეც განპირობებულია იმით, რომ ძალიან კარგ პირობებს ვთავაზობთ ჩვენს თანამშრომლებს.

იმის გათვალისწინებით, რომ მომსახურების სფეროში მუშაობა გარკვეულ სტრესთანაც არის დაკავშირებული, ჩვენ მუდმივად ვცდილობთ თანამშრომლებისთვის ისეთი გარემოს შექმნას, რომელიც მათ უფრო წაახალისებს და მეტ მოტივაციას შესძენს. საქართველოში არსებულ სამივე ოფისში არის სპეციალურად აღჭურვილი სამზარეულო, სათამაშო ოთახი, სადაც თანამშრომლებს შეუძლიათ თავისუფალ დროს ითამაშონ მაგიდის ჩოგბურთი, FIFA ან უბრალოდ, განიტვირთონ მოსასვენებელ ოთახში. სამუშაო სივრცე აღჭურვილია ყველა სახის საჭირო ინვენტარით, რაც პოზიტიურად აისახება სამუშაო პროცესზე.

M: სამსახურებში, როგორც წესი, ითხოვენ გამოცდილებას, რაც საზოგადოების განხილვის საგანია. თქვენი თქმით კი, გამოცდილება Majorel-ში დასასაქმებლად, აუცილებელი კრიტერიუმი არ არის…

დღეს, მენეჯერულ პოზიციაზე არსებული თანამშრომლების 97%-მა კლიენტთა მომსახურების წარმომადგენლის პოზიციიდან დაიწყო და შემდეგ, განვითარების ყველა საფეხური გაიარეს, რადგან აღმოჩენილიყვნენ იქ სადაც ახლა არიან. შესაბამისად, მთავარი მამოძრავებელი ძალა ჩვენს კომპანიაში არის მოტივაცია და იმ კონკრეტული ენის ცოდნა, რომელიც პოზიციას სჭირდება. კომპანია კი უპირობოდ დებს ინვესტიციას, ამ უამრავი ნიჭიერი, შრომისმოყვარე, განუსაზღვრელი პოტენციალის მქონე ადამიანების განვითარებაში.

აქ ყველას თანაბარი შესაძლებლობა აქვს კარიერული წინსვლისთვის, არ აქვს მნიშვნელობა ვინ ხარ , რა ტიპის განათლება გაქვს მიღებული და რა სამუშაო გამოცდილება გაქვს. სწორედ ეს განაპირობებს შუქცევად წარმატებას და განვითარებას.

 

[პარტნიორის კონტენტი]

განხილვა