იმისათვის, რომ კონკრეტული ადგილამდე მიხვიდეთ, საწვავის განსაზღვრული რაოდენობა გჭირდებათ. ასევე, უნდა იცოდეთ, სად შეძლებთ მანქანის დამუხტვას. ეს პროცესი ჩვენთვის საკმაოდ დამღლელია… ამ სიტუაციას კი მზის ენერგიაზე მომუშავე მანქანით — Lightyear One გამოასწორებთ. გვეუბნებიან, რომ მას 1 თვე დამუხტვის გარეშე შეუძლია იაროს, ხოლო მანძილი, რომლის დაფარვასაც ის შეძლებს, 400 კილომეტრზე მეტია.
კომპანიის მიზანი ბაზარზე Lightyear One-ის ყველაზე ეფექტურ ავტომობილად ქცევაა. მან გატესტვისას 400 კმ (248 მილი) 130 კმ/სთ სიჩქარით გაიარა. უფრო დაბალი სიჩქარით კი მანქანამ 700 კმ-ზე მეტის გავლა შეძლო.
იმედოვნებენ, რომ Lightyear One-ის გაყიდვას 2022 წლის შუა რიცხვებისთვის შეძლებენ. მანამდე კი დაჯავშნა კომპანიის ვებგვერდის საშუალებითაა შესაძლებელი, რისთვისაც წინასწარ 150 000 ევრო უნდა გადაიხადოთ.
ამასთან ერთად, Lightyear-მა რეალური სამყაროს აეროდინამიკური ტესტები Aprilia-ში ჩაატარა, რამაც კომპანიის მტკიცებით, რეკორდული შედეგი გამოიღო. ამბობენ, რომ ისინი ყველაზე აეროდინამიკური ხუთადგილიანი მანქანის წარმოებას შეძლებენ.
