ქვეყანაში ბოლო პერიოდში შექმნილმა ვითარებამ სულ უფრო ინტენსიური გახადა სხვადასხვა პროფესიის წარმომადგენელთა მარშები. 13 დეკემბერს მარკეტერებმა და შემოქმედებითი ინდუსტრიის სხვადასხვა წარმომადგენლებმა ერთი მასშტაბური მსვლელობა უკვე გამართეს, ხვალ კი, 26 დეკემბერს, 16:00-ზე, ისინი მეორედ გამოვლენ გარეთ საკუთარი პოზიციის დასაფიქსირებლად.
მარკეტერების, დიზაინერების, PR სპეციალისტებისა და შემოქმედებითი ინდუსტრიის წარმომადგენლების მსვლელობა ძველი სპორტის სასახლის მთავარი შესასვლელიდან პარლამენტისკენ იგეგმება.
