13 დეკემბერს, 14:30 საათზე იგეგმება მარკეტერების, PR სპეციალისტებისა და შემოქმედებითი ინდუსტრიის წარმომადგენლების მსვლელობა, რომელიც ვაკის პარკის მთავარი შესასვლელიდან დაიწყება პარლამენტის მიმართულებით.
შეგახსენებთ, რომ მსვლელობა ეხება საერთო პროტესტს, რომელიც ბოლო ორი კვირაა, მთელ საქართველოში მიმდინარეობს და მოიცავს ყველა მოქალაქეს, რომელიც საქართველოს ევროპული მომავლისთვის იბრძვის. პროტესტის ფარგლებში, სხვადასხვა სექტორი და პროფესიული ჯგუფებიც გაერთიანდნენ, როგორებიცაა: IT სფერო, სტარტაპები და სხვა. მათ ახლა უკვე მარკეტინგის, პიარისა და შემოქმედებითი სფეროს წარმომადგენლებიც უერთდებიან.
