in

რა შეცდომებს უშვებთ მარკეტინგის პერსონალიზებისას?

იმისათვის, რომ ინდივიდუალურად მორგებული მარკეტინგული კომუნიკაცია შეძლოთ, გულდასმით უნდა გესმოდეთ, რა გზას გადის მომხმარებელი კონტაქტიდან შესყიდვამდე ანუ როგორია მომხმარებლის მოგზაურობა, გამოცდილება თქვენთან ურთიერთობისას.

323 მარკეტერის გამოკითხვის შედეგად აღმოჩნდა, რომ 10-დან 4 მარკეტინგის ხელმძღვანელი დადებითად აფასებს მომხმარებლისთვის არარელევანტური შეტყობინების გაგზავნას. ამავდროულად, 500 მომხმარებლის გამოკითხვის შედეგად ირკვევა, რომ 63%-ს არ მოსწონს კომპანიისგან შეუსაბამო შეტყობინების მიღება.

წარმოიდგინეთ, როგორია თქვენთვის სასურველი გაყიდვების მენეჯერი? ისეთი, რომელიც მაღაზიაში მუდმივად უკან არ დაგყვებათ, შედარებით უკანა პლანზე არიან, მაგრამ მაშინ ჩნდებიან, როდესაც მათგან რაიმე ინფორმაციის მიღება გსურთ. ისინი არ გაწუხებენ, არ გაღიზიანებენ და სულელურ კითხვებს არ გისვამენ. უფრო მეტად გისმენენ, ვიდრე საუბრობენ. იმახსოვრებენ შენიშვნებს და შემდგომ, გეხმიანებიან შთაბეჭდილების მოსასმენად, თუ როგორ მოგეწონათ პროდუქტი/მომსახურება.

კლიენტების ლოიალობა გადამწყვეტია, ამის შესახებ PwC-ის 2022 წლის მომხმარებელთა ლოიალობის კვლევაშია საუბარი.

გამოკითხულთა ნახევარზე მეტმა (55%) განაცხადა, რომ რამდენიმე ნეგატიური გამოცდილების შემდეგ შეწყვეტს ურთიერთობას იმ კომპანიასთან, რომელიც მანამდე მოსწონდა. ხოლო 8%-მა თქვა, რომ ურთიერთობის შესაწყვეტად ერთი ცუდი გამოცდილებაც ეყოფა.

82% მზადაა კომპანიას გაუზიაროს პერსონალური მონაცემები, უფრო პერსონალიზებული სერვისისთვის.

44% ღიაა ახალ ბრენდთან ურთიერთობისთვის.

26%-ის თქმით, რომ გასულ წელს შეწყვიტა ურთიერთობა კონკრეტულ კომპანიასთან.

გარდა ამისა, PwC-ის მომხმარებელთა ყოველწლიური გამოკითხვის თანახმად, მომხმარებელთა 40% ყიდულობს ფიზიკურ მაღაზიაში კვირაში ერთხელ მაინც, მხოლოდ 27% აკეთებს იმავეს ონლაინ რეჟიმში.

მომხმარებლები მერყევები არიან. ისინი ყიდულობენ ფიზიკურ მაღაზიაშიც და ონლაინ სივრცეშიც. ასე რომ, კომპანიებმა უნდა შექმნან ჯვარედინი კომუნიკაცია მომხმარებლებთან.

მაინც, რა შეცდომებს უშვებენ მარკეტინგის პერსონალიზებისას?

მუშაობა არასრულ მონაცემებთან

გონიერი გამყიდველი იცნობს თავის მომხმარებელს. ინფორმაცია, რომელსაც მომხმარებლისგან ნებაყოფლობით ღებულობთ, ფასდაუდებელია. ეს ხდება მაშინ, როდესაც მომხმარებელს შეუძლია აღწეროს თავისი მოგზაურობა. ეს გახლავთ პერსონალიზაციის მთავარი ფაქტორი.

ასეთი მონაცემების ვერგამოყენება მომხმარებლის დაკარგვის მთავარი საფუძველია. ამასთან, Gen Z მომხმარებელთან ურთიერთობა უნდა განსხვავდებოდეს Baby Boomer-თან ურთიერთობისგან. დემოგრაფიული მონაცემები სწორად უნდა გამოიყენოთ.

ასევე, არსებობს მომხმარებლის მონაცემები, რომელიც გროვდება და შემდეგ იყიდება. ისეთი მონაცემებიც არსებობს, რომლებიც შეგროვებულია სუბიექტის მიერ მომხმარებელთან პირდაპირი ურთიერთობის გარეშე. ასეთი ტიპის მონაცემები ნაკლებად გამოსადეგია პერსონალიზაციაში.

კომპანიებმა უნდა გამოიყენონ ყველა მონაცემი მომხმარებელთან ურთიერთობის პერსონალიზებისთვის – მომხმარებლის მიერ მოწოდებული მონაცემები ყველაზე ღირებულია. მაგრამ, თუნდაც სხვა ტიპის მონაცემების საშუალებით, მარკეტერებს შეუძლიათ ოპტიმიზაცია, რათა უზრუნველყონ სწორი შეტყობინებების გენერირება და თავიდან აიცილონ მომხმარებლების გაუცხოება.

ცუდი მონაცემების გამოყენება

საბუღალტრო თვალსაზრისით: GIGO (garbage in, garbage out – ნაგავი შემოდის, ნაგავი გადის). ცუდი მონაცემებს ცუდი ბიზნესპროცესები ახლავს. მარკეტინგსა და CRM მარკეტინგს ისეთივე ზრუნვითა და ყურადღებით უნდა მოეპყროთ, როგორც ფულს.

დარწმუნდით, რომ მონაცემები ერთგვაროვანია. ეს ამცირებს მომხმარებლების გამორთვის ალბათობას. უკეთესია მონაცემთა 70% გაერთიანებული იყოს, ვიდრე 100% უსისტემო მონაცემები

ჰოლისტიკური ხედვის არქონა

პერსონალიზაცია არ ხდება იზოლირებულად. შეაგროვეთ მონაცემები მრავალი წყაროდან და შეხების წერტილიდან და ერთ ინდივიდუალურ იდენტობაში მოიყვანეთ, რის შედეგად აუდიტორიისთვის რეზონირებად გზავნილს დააგენერირებთ.

მომხმარებელთან ყველა ურთიერთქმედების ცოდნასთან ერთად, კომპანია კარგად უნდა ფლობდეს პერსონალიზაციის პლატფორმას.

პერსონალიზაცია არ გახლავთ ის ელ.ფოსტა, რომელშიც სწორად არის დაწერილი მომხმარებლის სახელი. ესაა მომხმარებლის დახმარება, საჭირო დროსა და ადგილას. თუ თქვენს კომპანიას აქვს წინასწარ გამზადებული ელ.ფოსტა და ისეთი პასუხები, რომლებიც არ მოიცავს თითოეული მომხმარებლის საჭიროებებს – ეს არ არის პერსონალიზაცია. ეს გახლავთ წესებზე დაფუძნებული მარკეტინგი.

თუ გრძნობთ, რომ გაქვთ წესებზე დაფუძნებული შესანიშნავი მარკეტინგული სისტემა, დაფიქრდით პერსონალიზებულ მარკეტინგზე.

რეალურ დროში მარკეტინგის პერსონალიზების მისაღწევად საჭიროა ოთხი ინტეგრირებული კომპონენტი:

ა) კამპანიის გასაშვებად, რეალურ დროში მომხმარებელთა დინამიკური შერჩევა მაღალი გარჩევადობის, ქცევაზე დაფუძნებული მიკრო სეგმენტაციის საფუძველზე.

ბ) ტრიგერის გამოვლენა – მომხმარებლის შესაბამისი აქტივობის შესახებ მონაცემთა რეალურ დროში შეგროვება.

გ) შეთავაზება/სტიმული მის მომსახურეობის მექანიზმთან ერთად (მაგ. ეკრანზე გამოსული Push შეტყობინება).

დ) კამპანიის შეფასება და ოპტიმიზაცია – სისტემა, რომელიც გამოთვლის კომბინაციის „მომხმარებელი-ტრიგერი-შეტყობინებები-არხი“ ფაქტობრივ ფულად ზრდას.

მომხმარებელთან ყოველდღიური კომუნიკაცია კრიტიკულია, თუ მომხმარებელი სერიოზულად არ არის განწყობილი შესყიდვისკენ. მარკეტერებმა უნდა მიმართონ რეალურ დროში პერსონალიზებულ მარკეტინგს, რათა მომხმარებელს უფრო მეტად დაუახლოვდნენ.

 

წყარო: martechseries

მეცნიერები სიმელოტის სამკურნალოდ გენურ ინჟინერიას მიმართავენ

თიბისის ბიზნესდაჯილდოება დაიწყო! – ღონისძიება ოფიციალურად გაიხსნა და აპლიკანტებს ელოდება