მარკეტინგი – ეს ცვალებადი სამყაროა, რომელსაც მუდმივად განახლებადი ტენდენციები მოაქვს. გადავხედოთ, თუ რა მიმართულებით მიემართება რეკლამა 2024 წლის გაზაფხულზე. როგორც აღმოჩნდა, მესამე მხარის ქუქიფაილები და ხელოვნური ინტელექტი სამიზნე აუდიტორიის მისაღწევად ახლა საუკეთესო ვარიანტებია.
ქუქიფაილები
ქუქიფაილები მომხმარებლის პერსონალიზებული გამოცდილების შესაქმნელად და მიზნობრივი რეკლამისთვის გამოიყენება. მომხმარებლის ქცევის მონიტორინგით, ქუქიფაილები ვებსაიტებს საშუალებას აძლევს, შეინარჩუნონ ინდივიდუალური პრეფერენციები და წარმოადგინონ მორგებული კონტენტი.
AI-ზე მომუშავე ანალიზი
AI-ზე მომუშავე მარკეტინგული ინსტრუმენტები ეფექტური გზაა მონაცემების დასამუშავებლად და მომავალი სარეკლამო ტენდენციების პროგნოზირებისთვის. ხელოვნური ინტელექტის მარკეტინგში გამოყენების რამდენიმე მოწინავე მაგალითი არსებობს და ესენია:
- მონაცემთა ანალიზი/ანგარიშგება
- კვლევა, როგორიცაა ბაზრის კვლევა ან სტატიების შეჯამება
- კონტენტის შექმნა
AI-ს შეუძლია მრავალი მარკეტინგული პლატფორმიდან შეაგროვოს და გადაამოწმოს დიდი რაოდენობით მონაცემები და შეაჯამოს დასკვნები. ეს დაგეხმარებათ დაზოგოთ დრო და ჩაატაროთ მონაცემთა ანალიტიკა ისე, რომ მარკეტინგული სტრატეგიის დაგეგმვაში ხელი არ შეგეშალოთ.
ინფლუენსერმარკეტინგი
ინფლუენსერებთან თანამშრომლობა აუდიტორიის მოზიდვისა და მისი უკეთ ჩართვის ერთ-ერთი საუკეთესო საშუალებაა. თანამედროვე მომხმარებელი ავთენტური ურთიერთობების მომხრეა, რის შედეგადაც, ინფლუენსერებს ჰყავთ ნიშური აუდიტორია, რომელსაც ასე ეძებენ ხოლმე ბრენდები. დიდ პლატფორმას შეიძლება მეტი მაყურებელი ჰყავდეს, მაგრამ აკლდეს ავთენტური ჩართულობა, ამიტომ აუცილებელი აღარ არის უფრო ფართო კვლევების ჩატარება სასურველი სამიზნე ჯგუფის საპოვნელად, შესაბამისი სფეროს ინფლუენსერის მოძიებაც საკმარისია.
ბრენდები, რომლებიც ითვისებენ ახალ სარეკლამო სტრატეგიებს, მოიპოვებენ მნიშვნელოვან მოგებას ბაზარზე. დროისთვის და ტრენდებისთვის ფეხის აწყობა აუცილებელია, რომ არ დაიმსხვრეს ბრენდი და არ ჩამორჩეს თავის მომხმარებელს.
2024 წელი დიდი ცვლილებების წელია. იმისთვის, რომ მომხმარებელმა ბრენდი შეიყვაროს, აუცილებელია, ბრენდი იყოს ავთენტური, გამჭვირვალე და ტენდენციური. ეს ნიშნავს მონაცემთა ინფორმირებულ შეგროვებას, ძლიერ კონფიდენციალურობის პოლიტიკას, ეკოლოგიურად სუფთა ბიზნესპრაქტიკასა და სწორ მარკეტინგულ აქტივობებს, რაშიც კომპანიებს ზემოთ ჩამოთვლილი სამი ინსტრუმენტი ეხმარება.
