„ძალიან უკმაყოფილო ვარ, ვერაფერი შედეგი ვერ მივიღეთ“ — როგორც Mindset-ში ამბობენ, ყველაზე ხშირად ასეთი ფრაზით მიდიან ხოლმე კომპანიების დამფუძნებლები და უყვებიან სხვადასხვა მარკეტინგულ აქტივობაზე, რისი გაკეთებაც მოსინჯეს.
პასუხისმგებლობას, როგორც წესი, საკუთარ მარკეტინგის მენეჯერს აკისრებენ. თავის მხრივ, მენეჯერსაც უამრავი რამ აქვს ხოლმე სათქმელი.
„უცნაურია, მაგრამ ხშირად ორივე მხარე მართალია. მერე ვამბობთ, რომ მთავარი დამნაშავის ძებნა კი არა, კონსტრუქციული გამოსავლის დაგეგმვა და ქმედებებია. მაგრამ მაინც საინტერესო ამბავია, არა?
დიდხანს ვიფიქრეთ რაშია საქმე, უამრავი ქეისი გავაანალიზეთ და მივხვდით. ძალიან მარტივად, რამდენიმე პუნქტად რომ ჩამოვაყალიბოთ პრობლემის საფუძველი, ეს გამოვიდოდა“:
1) მისკომუნიკაცია — რომელი მხარე რას ამბობს, რას გულისხმობს და შემდეგ როგორ ესმის მარკეტინგს ეს დავალება თუ საკითხი, მნიშვნელოვან ბარიერად იქცევა ხოლმე. დრო, ცოდნა, მონდომება და ენერგია სჭირდება იმის მრავალჯერ გადამოწმებას, რომ ერთ ენაზე საუბრობდეს ყველა, მიზნები და მოლოდინები ნათლად იყოს ჩამოყალიბებული.
2) ქაოსურობა — ბიზნეს ამოცანებთან მარკეტინგული ამოცანების მორგება და დასინქრონებაც რთული ამბავია. შეიძლება, სათქმელად მარტივად ჟღერს, მაგრამ ორივე მხრიდან მკაფიო სტრატეგიულ ხედვას და დიდი სურათის ანალიზს მოითხოვს. შესაძლოა, მენეჯერი ძალიან კარგი ტაქტიკოსი იყოს, გამოცდილი მენეჯერი და კონტენტის შემქმნელი, მაგრამ სტრატეგიული დაგეგმვა არ წარმოადგენდეს მისი სპეციალიზაციას.
3) რეალობის ფორმულირება — არსებობს ხოლმე პრობლემები, რომლებიც კომპანიის სასიცოცხლო ციკლში მიმდინარე პერიოდიდან გამომდინარე ახლო მომავალში ვერ მოგვარდება. მაგალითად, კომპანიას არ აქვს CRM, გარკვეული ხარვეზებია სერვისსა ან პროდუქტში, ცოტაა ბიუჯეტი, კადრების ნაკლებობაა და ა. შ.
უმნიშვნელოვანესია მსგავსი პრობლემების მკაფიოდ იდენტიფიცირება და ფორმულირება დაგეგმვის ეტაპზევე. რეალობას ჯერ ვერ ვცვლით, მაგრამ დავაფიქსირებთ, მოვიფიქრებთ შერბილების საშუალებებს, ყველა დეტალს გავითვალისწინებთ შედეგების მოლოდინების ნაწილში.
ეს მხოლოდ მცირე ფრაგმენტებია იმ კონსალტინგ პროცესისა და პროდუქტისა, რომლის შექმნაც მოიფიქრეს Mindset-ში და „MINDSET GAP აუდიტი“ დაარქვეს.
აუდიტის პროცესი ყოველთვის იწყება:
- მეორადი ინფორმაციის მოგროვებით;
- სამუშაო სესიებით;
- ჩაღრმავებული ინტერვიუებით;
- პროდუქტის, ბრენდის, პროცესების შესწავლით;
- კონკურენტების ანალიზით;
- ამის შემდეგ კეთდება მიმდინარე აქტივობების და კომუნიკაციის ანალიზი;
- შესაბამისობების, პოტენციური შესაძლებლობების, ხარვეზების და GAP-ების დაფიქსირება;
- მზადდება დოკუმენტი, roadmap და რეკომენდაციების პაკეტი.
მსგავს დოკუმენტსა და რეკომენდაციებზე დაყრდნობით, მენეჯერებს აღარ უჭირთ, შექმნან გაცილებით ეფექტური მარკეტინგული სტრატეგია, საკომუნიკაციო გეგმა და კონტენტი.
„რაც მთავარია, გვჯერა, რომ ნებისმიერი, თუნდაც ნორმალურად მიმდინარე პროცესის კიდევ უფრო გაუმჯობესება და გამართვა შეიძლება“.
[R]
