NASA-მ კიდევ ერთი ნაბიჯი გადადგა, რომლითაც ინტერპლანეტარული ცხოვრება სულ უფრო რეალური შეიძლება მოგვეჩვენოს. 27 მარტს, კოსმოსურმა სააგენტომ 2015 წელს დაწყებული კონკურს 3D-Printed Habitat Challenge-ის სამი საუკეთესო ნამუშევარი გამოავლინა. კონკურსის მესამე ფაზაში 11 გუნდი იყო გადასული და მათ უნდა შეექმნათ სრულფასოვანი რენდერი სახლებისა, რომლებშიც მარსზე, ან მთვარეზე გადასახლებული ადამიანები იცხოვრებენ.
პირველი ადგილი ნიუ-იორკულმა გუნდმა SEArch+/Apis Cor-მა მოიპოვა. კონსტრუქციის რენდერით, რომელიც მარსზე არსებულ შუქს სახლში უშვებს, თუმცა, მაქსიმალურად იცავს მას რადიაციისგან.
მეორე ადგილი გუნდმა Zorpheus-მა მოიპოვა. მათ შექმნეს მარსის ცვალებადი ტემპერატურის მიმართ მდგრადი კონსტრუქცია, რომელსაც ოთხი საძინებელი აქვს და რომლისგანაც წითელ პლანეტაზე ხედი იშლება.
მესამე ადგილზე Mars Incubators გავიდა. ხელოვანებისა და არქიტექტორებისგან დაკომპლექტებული გუნდი, რომელმაც ოთხსივრციანი სახლის მოდელი შექმნა. სახლის ერთ-ერთი სივრცე მარსზე მცენარეების გასაზრდელადაა გათვლილი.
