„გალერია თბილისი“ მთელი დეკემბრის განმავლობაში ცდილობდა მომხმარებლისთვის საახალწლო განწყობის შექმნას. მრავალფუნქციურ კომპლექსში საახალწლო აქტივობების დასაგვირგვინებლად, ვიზიტორების ემოციების შეგროვება და #მართლაჯადოსნურ ენერგიად გარდაქმნა გადაწყვიტეს. 31 დეკემბერს, ახალი წლის დადგომამდე რამდენიმე საათით ადრე, „გალერია თბილისის“ შესასვლელი ჯადოსნურ სანახაობას დაეთმო. ჯადოსნური ემოციები და ენერგია კი, „ქალაქის გულმა“ წინასაახალწლოდ, მთელ ქალაქს, მტრედებისა და ფოიერვერკის სახით გაუგზავნა.
