Mastercard-მა ბრაზილიელი ფორვარდის, ნეიმარის მონაწილეობით სარეკლამო კამპანია შეაჩერა. ბრენდის განმარტებით, გადაწყვეტილება ფეხბურთელს მიმართ წაყენებული ბრალდების გამო მიიღეს – გავრცელებული ინფორმაციით, სპორტსმენმა პარიზის ერთ-ერთ სასტუმროში ქალზე იძალადა.
ბრენდის წარმომადგენლებმა, ბრაზილიურ გამოცემებთან საუბრისას განაცხადეს, რომ კამპანიას მხოლოდ იმ შემთხვევაში გააგრძელებენ, თუ გამოძიება ოფიციალურად დაადგენს ფეხბურთელის უდანაშაულობას.
თავად ნეიმარი ბრალდებას უარყოფს. ფეხბურთელმა სოციალური ქსელით ვიდეო – მიმართვა გაავრცელა, სადაც ამბობს, რომ უდანაშაულოა და მხოლოდ სიტუაციის მსხვერპლია.
მსოფლიოს მასშტაბით, წლების მანძილზე ნეიმარი, 30-ზე მეტი კომპანიის სახე და ამბასადორი იყო. მასთან დაკავშირებული ინფორმაციის გავრცელების შემდეგ, კომპანიების McDonald’s Corp და Procter & Gamble Co’s Gillette (მათ ფორვარდთან კონტრაქტი 2018 წელს გააფორმეს) წარმომადგენლებმა აღნიშნეს, რომ ფეხბურთელთან მიმდინარე ხელშეკრულებები არ აქვთ.
