თუ ილონ მასკი სამყაროს წარმოუდგენელი ტექნოლოგიური და მეცნიერული მიღწევებით აოცებს, მისი 70 წლის დედა საზოგადოებას თავისი სამოდელო შესაძლებლობებით ხიბლავს. მაშინ, როდესაც სხვებისთვის სამოდელო კარიერა გარკვეულ ასაკში სრულდება, 10 შვილიშვილის ბებიისთვის და 55 წლიანი სამოდელო გამოცდილების მქონე მეი მასკისთვის ეს ასაკი, ფაქტია, რომ ჯერ კიდევ არ დამდგარა. სულ ცოტა ხნის წინ, მეი Supreme-ის სახე გახდა და ბრენდის ახალი კოლექციის სარეკლამო ვიდეორგოლშიც გამოჩნდა. ვიდეოში 70 წლის მოდელი თავის ისტორიას, გამოცდილებას გვიზიარებს და იმაზეც საუბრობს, თუ როგორ ცვლის თითოეული განსხვავებული ადამიანი მოდის ინდუსტრიას.
