in

მაკდონალდსმა McHappy Day-ის საქველმოქმედო კამპანიის ფარგლებში შემოწირულობა “უსინათლოთა ხმას” გადასცა

მაკდონალდსი ყოველწლიურად მთელი საქართველოს მასშტაბით რესტორნებში საქველმოქმედო კამპანიას, McHappy Day-ს მართავს. კამპანიამ, რომელიც წელს 15 აპრილიდან 1-ელ ივნისამდე გრძელდებოდა, მაკდონალდსი და მომხმარებლები საერთო მიზნით დააკავშირა ერთმანეთს — ეს მიზანი უსინათლო და მცირედმხედველი ბავშვების დახმარება და მათი სრულფასოვანი განათლების ხელშეწყობაა.

McHappy Day საქველმოქმედო კამპანია მიზნად ისახავს, მხარი დაუჭიროს ბავშვებს, რომლებსაც სჭირდებათ სოციალური პირობების გაუმჯობესება, ჯანმრთელობასთან დაკავშირებული პრობლემების დაძლევა თუ საზოგადოებასთან ინტეგრაცია. რაც მთავარია, მაკდონალდსისთვის მთავარ პრიორიტეტებს შორისაა განათლების ხელშეწყობა და განსაკუთრებული საჭიროებების ბავშვების მაქსიმალურად მხარდაჭერა, სწორედ ამიტომ, კომპანიამ McHappy Day-ის ფარგლებში მცირემხედველი და უსინათლო ბავშვების სწავლის პირობების გაუმჯობესებისა და ცხოვრების გამარტივებისთვის 20 000 ლარი წელს ორგანიზაცია “უსინათლოთა ხმას” გადასცა. ღონისძიება 1 ივნისს, მაკდონალდსის რესტორანში, საზეიმო ვითარებაში გაიმართა.

მაკდონალდსის მიერ გამოყოფილი თანხით ბავშვებისთვის იგეგმება ხმოვანი წამკითხველების, გამადიდებელი ეკრანების, მექანიკური ბრაილერის, ხელჯოხებისა და სხვა სახის  სასწავლო და საყოფაცხოვრებო ინვენტარის შეძენა, რაც მათი სწავლის პროცესს მნიშვნელოვნად შეუწყობს ხელს. აღსანიშნავია, რომ ეს პროცესი მაკდონალდსისა და საქველმოქმედო ჰუმანიტარული ცენტრ “აფხაზეთის” (CHCA) მჭიდრო თანამშრომლობით სრულდება.

ინვენტარს ბათუმის, თბილისის, ქობულეთის, ხულოს, ასევე  სოფლების — ქედქედის, ახალშენისა და ოჩხამურის ინკლუზიური პროფილის სკოლების მოსწავლეები სწავლისა და ყოველდღიური საქმეებისთვის გამოიყენებენ.

“მაკდონალდსისთვის, როგორც მაღალი სოციალური პასუხისმგებლობის მქონე კომპანიისთვის, მნიშვნელოვანია განსაკუთრებული საჭიროების მქონე ბავშვების განათლების ხელშეწყობა. სწორედ ამიტომ, McHappy Day-ის ფარგლებში, გადავწყვიტეთ, თანხა გადაგვეცა ორგანიზაცია „უსინათლოთა ხმისთვის“, რათა დავეხმაროთ ბავშვებს განვითარებაში, განათლებასა და წინსვლაში; ჩვენი წვლილი შევიტანოთ მათთვის უკეთესი მომავლის შექმნაში“, — აცხადებს ალექსანდრე შენგელია, მაკდონალდს საქართველოს მარკეტინგის დეპარტამენტის ხელმძღვანელი.

ორგანიზაცია “უსინათლოთა ხმა” ბათუმში დაფუძნდა და ნელ-ნელა მთელი საქართველოს მასშტაბით ფართოვდება. “ორგანიზაციის შექმნის მიზანია, თანამედროვე მეთოდებით ხელი შევუწყოთ უსინათლოებსა და მცირედმხედველებს, ვიმუშაოთ მათი უფლებების განმტკიცებისთვის. ჩვენ გვსურს, უსინათლოთა ხმა ფართო საზოგადოებამდე მივიტანოთ”, — აცხადებს ალექსანდრე წეველიძე, ორგანიზაციის დამფუძნებელი.

ალექსანდრე წეველიძე ამბობს, რომ მაკდონალდსის მხარდაჭერა ორგანიზაციისთვის ძალიან მნიშვნელოვანია, რათა მცირედმხედველმა და უსინათლო მოსწავლეებმა სრულფასოვანი განათლება მიიღონ.

ორგანიზაციებისთვის, რომლებიც მუშაობენ ასეთი მიმართულებით, ნებისმიერი სახის მხარდაჭერა, თითოეული გადმოცემული თეთრი ძალიან ბევრს ნიშნავს. ჩვენ უსინათლო და მცირედმხედველი ბენეფიციარები გვყავს და განსაკუთრებით მნიშვნელოვანია ბავშვებს სათანადო ყურადღება მიექცეთ, მათთვის შესაფერისი პირობები შეიქმნას. ჩვენ არ ვიღებთ დაფინანსებას სახელმწიფო ბიუჯეტიდან, ამიტომ ასეთი დახმარების გარეშე გაგვიჭირდებოდა მუშაობა. ასე რომ, როდესაც მაკდონალდსი დაგვიკავშირდა ამ საკითხზე, ძალიან სასიხარულო იყო ჩვენთვის. ეს ძალიან კარგი ნაბიჯია”, — დასძენს ალექსანდრე წეველიძე.

მაკდონალდსისთვის საქველმოქმედო საქმე კორპორაციული სოციალური პასუხისმგებლობის ნაწილია და ის ყოველწლიურად, McHappy Day-სა თუ სხვა კამპანიების ფარგლებში, მრავალ ორგანიზაციას ეხმარება ის ამ პროცესში მომხმარებელსაც აქტიურად რთავს. იმისათვის, რომ ქველმოქმედების ნაწილი გამხდარიყვნენ, მომხმარებლებს მაკდონალდსის ნებისმიერ რესტორანში, მთელი საქართველოს მასშტაბით შეეძლოთ კამპანიისთვის სპეციალურად შექმნილი აქსესუარები შეეძინათ. ბრენდირებულ პრომო აქსესუარებს შორის იყო სტიკერი, წინდა, საკიდი და ჩანთა.

გასული წლების განმავლობაში მაკდონალდსმა ზუგდიდში, ქუთაისში, რუსთავში, თბილისსა თუ კოჯორში დახმარება გაუწია მრავალ ორგანიზაციას, რომლებიც განსაკუთრებული საჭიროებების მქონე პირების საკითხებზე მუშაობს. გარდა ამისა, მაკდონალდსის ინიციატივით არაერთი საქველმოქმედო ღონისძიება ჩატარდა ლეიკემიით დაავადებული ბავშვების მხარდასაჭერად.

 

[R]

გარდაქმენით თქვენი ტექნიკური კომპეტენტურობა ლიდერობად

„ჯინვენტორი“ მომხმარებელს, პლასტმასას ბოთლების სანაცვლოდ, „ტენეს“ ეკომეგობრულ USB კაბელს აჩუქებს