McDonald’s ახალ გამჭვირვალე ჭიქას ტესტავს, რომლის ნახევარი PCR-ს, ნახევარი კი ბიოპოლიმერს შეიცავს. ამ უკანასკნელის შესაქმნელად რესტორნების სამზარეულოს ზეთს იყენებენ… კომპანია მასის ბალანსის მეთოდსაც მიმართავს, რათა გაზომოს და თვალყური ადევნოს ამ პროცესში გამოყენებულ გადამუშავებულ და ბიოლოგიურ პროდუქტებს. ეს საწვავის ტრადიციულ წყაროებსაც აერთიანებს.
მნიშვნელოვანია ისიც, რომ ამ შედეგს მაკდონალდსმა კომპანიებთან HAVI, Pactiv Evergreen, Neste, INEOS და LyondellBasell თანამშრომლობით მიაღწია.
„თითოეულმა პარტნიორმა ფაზლის ასაწყობად საჭირო ნაწილი მოგვაწოდა, რითაც ტესტირებაც შესაძლებელი გახდა“, — აცხადებენ კომპანიაში.
შედეგად, მაკდონალდსის ყავის ყიდვა და შემდგომში ჭიქის მოთავსება ნებისმიერ გადამამუშავებელ ნაგვის ურნაში შეგიძლიათ. თანაც, დიზაინი არაფრით განსხვავდება ძველისგან, რაც მის მოხმარებას მეტად ამარტივებს.
„ჩვენ გვჯერა, რომ შესაფუთი მასალები, უნდა გახდეს იმდენად გადამუშავებადი, რამდენადაც და სადაც ეს შესაძლებელია. პლასტმასის გადამუშავება კი ამაში დიდ როლს შეასრულებს“, — ამბობს მაიკ ნეიგლი, INEOS Olefins & Polymers USA-ის აღმასრულებელი დირექტორი.
მაკდონალდსის ახალი გამჭვირვალე ჭიქით სარგებლობა ჯერჯერობით მხოლოდ სავანას 28 რესტორანშია შესაძლებელი, ტესტირების შედეგების მიხედვით კი მას, სავარაუდოდ, უფრო მეტ ობიექტზე განათავსებენ.
