დღეს ბიზნესს მნიშვნელოვანი სისტემური რისკები ემუქრება, ეკონომიკური გაურკვევლობით დაწყებული, უკრაინაში მიმდინარე ომით დასრულებული. Business Leaders Outlook 2022 კვლევის მიხედვით, ხუთი ბიზნეს ლიდერიდან მხოლოდ ერთია ოპტიმისტურად განწყობილი მომავალი წლის ეროვნული ეკონომიკის მიმართ, რაც ყველაზე დაბალია 12 წლის კვლევის მონაცემებში.
კომპანიებს ემუქრებათ მუშახელის დეფიციტი, მიწოდების ჯაჭვის პრობლემები და ზოგადად უფრო მაღალი ბიზნეს ხარჯები. ეს ფაქტორები, ტექნიკურ სექტორში მასობრივი გათავისუფლების შესახებ ცნობებთან ერთად, B-to-C მარკეტინგის ლიდერებს აიძულებს, 2023 წლის ბიუჯეტის კორექტირება განიხილონ.
ამასთან, მომხმარებლებიც ამცირებენ ხარჯებს. საშუალოდ, ათიდან ოთხი მომხმარებელი გეგმავს ნაკლები თანხის დახარჯვას გარკვეული კატეგორიის საქონელზე, რომელიც სასიამოვნოა: მოგზაურობა, კოსმეტიკა და ფიტნესი. თუმცა მომხმარებელთა შეშფოთება ამ სისტემური რისკების შესახებ განსხვავდება დემოგრაფიის მიხედვით. ახალი მონაცემები აჩვენებს, რომ ახალგაზრდა მომხმარებლები ნაკლებად მგრძნობიარენი და ნაკლებად მომზადებულნი არიან ეკონომიკური გაურკვევლობისთვის, ვიდრე ხანდაზმული მომხმარებლები. მაგალითად, შეერთებულ შტატებში Gen Z-ის მომხმარებელთა 40% თვლის, რომ რეცესიის შიშები ძალიან გადაჭარბებულია.
მიუხედავად ასეთი განსხვავებული შეხედულებებისა, მნიშვნელოვანია, კომპანიებმა გარკვეული გეგმა შეიმუშაონ ასეთ არასტაბილურ დროში გადასარჩენად… მარკეტინგის ლიდერებს კი შეუძლიათ, ზრდის სტრატეგიები ბრენდის ღირებულებისა და მომხმარებლის ღირებულების დაბალანსებით განაგრძონ. ამ თვალსაზრისით, აუცილებელია, ინვესტიცია მომხმარებელთან დაკავშირებულ ნამდვილ სტრატეგიაში ჩაიდოს — Forrester-ის უახლესი მონაცემების მიხედვით, 52% გეგმავს, საგრძნობლად გაზარდოს მარკეტინგული ბიუჯეტი.
მიმდინარე პერიოდში საუკეთესო გადაწყვეტილებას ავთენტური კონტენტის შექმნა წარმოადგენს, რაც აჩვენებს, რომ ბრენდი მომხმარებელთა საჭიროებებსა და ღირებულებებს პასუხობს. ეს მოიცავს ინვესტირებას ტექნოლოგიაში მომხმარებელთა ურთიერთქმედების გასაუმჯობესებლად და ფასიანი მედია პროგრამების საშუალებით, რომლებიც თანმიმდევრული გზავნილების შექმნის შესაძლებლობას იძლევა.
გარდა ამისა, აუცილებელია აქტივობებისა და აქტივების შემცირება. საუბარია ისეთ ქმედებებზე, რაც ღირებულებას უკარგავს კომპანიას. მაგალითად, თუ მარკეტინგული სტრატეგია ძირითადად მასობრივი მიღწევის ტაქტიკებისგან, მომხმარებელთა ქცევის ზედმეტი თვალყურის დევნებისა და მესამე მხარის მონაცემთა წყაროებში დიდი ინვესტიციებისგან შედგება, კომპანიას ნამდვილად გაუჭირდება მომხმარებელთან მჭიდრო კავშირების დამყარება.
ექსპერიმენტი პასუხისმგებლობით
ახლა ის დრო არ არის, რომ კარგად შემუშავებულ ექსპერიმენტებს დაანებოთ თავი. პირიქით, გამოცადეთ ახალი მედია წყაროები და კონტენტი ახალ პლატფორმებზე შექმენით — მაგალითად TikTok-ზე, რათა განსხვავებული გზები იპოვოთ შთაგონებისა და გაგებისთვის. ეს მომხმარებელთა ცვალებადი მოთხოვნილებების მუდმივ გათვალისწინებაში დაგეხმარებათ.
როგორც ლიდერმა, იმის ნაცვლად, რომ გაკიცხოთ თქვენი მარკეტინგული ბიუჯეტი, გააფართოვეთ თქვენი გაგება იმის შესახებ, თუ როგორ შეუძლია მარკეტინგულ ინიციატივებს თქვენი ბიზნესისთვის ღირებულების დამატება. ფირმები, რომლებიც ქმნიან ღირებულებას მომხმარებლებისთვის, სანაცვლოს დიდ მოგებას იღებენ — ამრიგად, კონცენტრირდით ადამიანებზე და მათ ოთხი ტიპის ღირებულება მიაწოდეთ:
- ეკონომიკური ღირებულება, მომხმარებლისთვის ფულის დაზოგვაში ეხმარებით;
- ფუნქციონალური ღირებულება, გაუმჯობესებული სარგებლობისა და საიმედოობის მეშვეობით;
- ექსპერიმენტული ღირებულება, სასიამოვნო და სასარგებლო კომუნიკაციის ხელის შეწყობით;
- სიმბოლური ღირებულება, რომელიც სხვებთან მიმართებით მნიშვნელობას აყალიბებს.
გახსოვდეთ, ახლა არ არის იმის დრო, რომ თქვენი მარკეტინგული გეგმები ან ბიზნესი ავტოპილოტზე გადაიყვანოთ. გააზრებული, მომხმარებელზე ორიენტირებული და ავთენტური ბრენდები სტაბილურად გაივლის არასტაბილურობის ამ პერიოდს.
