6
May
2019

ხორცის ბურთულები ხორცის გარეშე – Ikea-ს ახალი პროდუქტი

6 May 2019

ავეჯის მწარმოებელი შვედური კომპანია Ikea ვეგეტარიანული კვების პროდუქტების ბაზარზე შედის. ბრენდის წარმომადგენლების თქმით, მალე, მომხმარებელს წარუდგენენ პროდუქტს, რომელსაც „ხორცის გემო და ვიზუალი აქვს, მაგრამ ალტერნატიული მცენარეული პროტეინებისგანაა დამზადებული. CNN-ის ინფორმაციით, მისი დისტრიბუცია და გაყიდვა, მსოფლიოს მასშტაბით, ბევრ რესტორანში იგეგმება.

 

Ikea-ს წარმომადგენლების თქმით, პოტენციურ პარტნიორებს ამ დრომდე განიხილავენ და ჯერ ზუსტად არ გადაუწყვეტიათ, ვისთან ითანამშრომლებენ. თუმცა, დრო არც ისე ბევრია – ავეჯის მწარმოებელი კომპანია, ახალი პროდუქტის ბაზარზე წარდგენას, 2020 წლის თებერვალში გეგმავს.

CNN-ის ინფორმაციით, Ikea-ს უხორცო, მცენარეულ პროტეინებზე დამზადებული ბურთულები [გუფთა], დაახლოებით, ჩვეულებრივი ხორცის ბურთულების ფასი ეღირება. 

შვედური ავეჯის მწარმოებელი კომპანია, პირველი ნამდვილად არ არის, ვინც უხორცო ხორცპროდუქტების წარმოებას იწყებს – გასულ კვირას, სიახლე მომხმარებლებს, Burger King-მაც შეატყობინა. ბრენდების თქმით, ბოლო პერიოდში, მნიშვნელოვნად იმატა ჯანსაღ და ვეგეტარიანულ საკვებზე მოთხოვნამ და ახალი პროდუქტების გამოშვება, სწორედ ამით ახსნეს.

 

განხილვა