კომედიური ჟანრის ფოტოგრაფი ართურ მებიუსი თხუთმეტი წელია ფოტოხელოვნებითაა დაკავებული. მის სახელს კარგად იცნობენ კრეატიულ ინდუსტრიაში. მას აქვს მიღებული კანის ლომების ფესტივალის, D&Ad-ის, ADC-ის, Epica-ს, PANL Sony-ის ჯილდოები. მებიუსის ნამუშევრებს კომედიური ჟანრი გამოარჩევს. ართურის თქმით, თუკი სიუჟეტი საინტერესოა, მას წამში 25 საინტერესო კადრის გადაღება შეუძლია. ფოტოების დამუშავების შემდეგაც კი, მებიუსის ნამუშევრები რეალისტურ იერს ინარჩუნებს. თითოეულ ფოტოში, მებიუსი ცდილობს ერთდროულად წარსულიც წარმოაჩინოს, აწმყოც და მომავალიც.
