„თიბისი ბიზნესისთვის“ სერია „ხუთშაბათის შეხვედრები“ გრძელდება და დაინტერესებულ პირებს რიგით მეხუთე ღონისძიებაზე ახალი თემით უბრუნდება. ამჯერად საინტერესო სტუმრებთან ერთად ზეტ თაობაზე, მათ სურვილებზე, სამუშაო ეთიკასა და მოლოდინებზე ისაუბრებენ. ხოლო „მრგვალ მაგიდას“ შემოუსხდებიან: მედეა ტაბატაძე (ინსორსი), ბესო კაჭარავა (პოსტრედი) და გვანცა მურღვლიანი (თიბისი).
მანამდე კი სტატიაში გაგიზიარებთ მედეა ტაბატაძის, InSource-ის მმართველი დირექტორის შეხედულებებს თაობა ზეტთან დაკავშირებით.
M: ზოგადად, რამდენად მოქმედებს თაობათა სხვაობა დამსაქმებელთა საჭირო მიდგომებზე?
სხვადასხვა თაობა ორგანიზაციაში გულისხმობს დინამიკურ გარემოს, რომელსაც სჭირდება ინდივიდებზე მორგებული გადაწყვეტილებები. ამ საჭიროებას ადასტურებს თუნდაც ის, რომ ბევრ ორგანიზაციაში ბევრი თანამშრომლის გადინების მიზეზია დაგვიანებული განვითარება დასაქმებიდან 1 წლის განმავლობაში. ეს ადრე მილენიალებისთვის ასე თუ ისე მისაღები იყო, იქსენიალებისთვის კი 1 წელში განვითარებაზე საუბარი, სრულად წარმოუდგენელი.
M: უშუალოდ ზეტ თაობაზე რომ ვისაუბროთ, რა მკაფიოდ გამოხატული მახასიათებლები გამოარჩევთ სამსახურში? რას ითხოვენ ძირითადად და როგორია მათი სამუშაო კულტურა?
ეს თაობა არის აპების თაობა, ცუდი შედარებაა, მაგრამ განაპირობებს შემდეგს: როგორც აპებს სჩვევია ხშირი განახლებები, ამ თაობასაც სჭირდება ინტერესების ხშირი „განახლება“. მათი მოლოდინები არის დინამიკური კარიერა, რომელიც სხვადასხვა საქმისა თუ როლის ჯაჭვია და თანაც არ გულისხმობს, რომ უწყვეტია სამუშო პროცესი — შეუძლიათ გადართვა ფრილანსზე და შემდეგ ისევ დაბრუნება კომპანიაში; მათი მოლოდინია ღია და სამართლიანი სამუშაო გარემო, ზრუნვა ერთმანეთზე და ისეთი ლიდერი, რომლისგანაც მიიღებენ მხარდაჭერასაც და ცოდნასაც.
M: რა უნდა გაითვალისწინონ დამსაქმებლებმა იმისთვის, რომ ზეტ თაობასთან თანამშრომლობა წარმატებით შედგეს?
ჩემი აზრით, ძალიან საჭიროა, კომპანიებმა იცოდნენ, არიან თუ არა მათი დამქირავებლები — ზოგიერთ ორგანიზაციაში ძალიან მცირეა ჯენზის პროცენტული წილი თანამშრომლების ჯამურ რაოდენობაში; თუ ჯენზის პროცენტული მაჩვენებელი მაღალია ან მზარდი, ძალიან საჭიროა შეიცვალოს დაქირავებისა და შერჩევის გამოცდილება. მაგალითად, ჯენზი კანდიდატს ჰქონდეს შესაძლებლობა, აარჩიოს ჰიბრიდი იქნება მისი გარემო თუ მხოლოდ ოფისი; მუდმივი თანამშორმელი იქნება თუ ფრილანსერი (სხვათა შორის, ეს ძალიან პოპულარულია ბევრ თაობაში); სასურველია, შეიცვალოს განვითარების არსებული პრაქტიკა და ჰორიზონტალურ განვითარებაზე უფრო მეტად გაკეთდეს ფოკუსი, ვიდრე ვერტიკალურ განვითარებაზე; და, რაც ძალიან მნიშვნელოვანია, ლიდერების ახალი ტიპის განვითარებაზე მუშაობა — იმ ლიდერების ვისაც აქვს და იცის, რა არის მისი North Star.
ღონისძიებაზე დასასწრებად დარეგისტრირდით და დაელოდეთ დასტურს მითითებულ მეილზე.
