ელფოსტის სპამში მოხვედრა ყველაზე ცუდი რამეა, რაც შეიძლება მარკეტერს დაემართოს, განსაკუთრებით, იმეილმარკეტინგის წარმოებისას. თქვენს შეტყობინებებს ვერავინ დაინახავს. თუმცა, კარგი ამბავი ის არის, რომ არსებობს ნაბიჯები, რომელთა გადადგმაც შეგიძლიათ ამის ალბათობის შესამცირებლად.
ზოგადი რეკომენდაცია ისაა, რომ აკონტროლოთ ელფოსტის ჩართულობის მაჩვენებლები. თუ ადრესატისგან პასუხი არ მოგივიდათ, გადაამოწმეთ, ხომ არ მოხვდა თქვენი მეილი სპამში. ასევე, მეტი ავტომატიზაციისთვის, შეგიძლიათ სპეციალური ციფრული ხელსაწყოების გამოყენება, რომლებიც გიჩვენებთ, თუ სად მოხვდა ელფოსტა.
აქ კი არის რამდენიმე უფრო კონკრეტული გზა, თუ როგორ უნდა დაიცვათ თავი სპამში თქვენი მეილის მოხვედრისგან
დაიწყეთ სანდო ელექტრონული ფოსტის სერვისის პროვაიდერით
სწორი ელფოსტის სერვისის პროვაიდერის არჩევა პირველი და უმთავრესი გზაა. კარგი ESP (Email Service Provider) უზრუნველყოფს თქვენი ელფოსტის უსაფრთხოდ გაგზავნას, სწორ ავტორიზაციასა და მონიტორინგს, რათა თქვენმა მეილმა სპამის ფილტრები გაიაროს და ადრესატამდე მივიდეს.
მიწოდების ინსტრუმენტები
პრობლემების თავიდან აცილებაში დაგეხმარებათ ისეთი ფუნქციები, როგორიცაა: შემოსული წერილების განლაგების ტესტირება, შავი სიის მონიტორინგი და სპამის ქულების ანალიზი. ეს ფუნქციები უნდა მოიძებნოს იმ პროგრამაში, რომლითაც მეილს აგზავნით.
დააყენეთ სწორი დომენი
თუ ელფოსტას ისეთი დომენიდან აგზავნით, როგორიცაა, მაგალითად, yourcompany@gmail.com, გაცილებით მეტია ალბათობა, რომ თქვენი წერილი ადრესატს მიაღწევს. კომპანიაზე მორგებული დომენის გამოყენება საშუალებას გაძლევთ აკონტროლოთ თქვენი ელფოსტის რეპუტაცია და შემოსული წერილების პროვაიდერებს აცნობოთ, რომ სანდო გამგზავნი ხართ.
აი, რატომ არის ეს მნიშვნელოვანი:
- ზრდის დომენის რეპუტაციას: როდესაც news.yourcompany.com-დან აგზავნით შეტყობინებებს, თქვენ ქმნით თანმიმდევრულობას
- ზრდის ნდობას: ნაკლებად სავარაუდოა, რომ თქვენს კომპანიაზე მორგებული დომენით გაგზავნილი მეილი ვინმემ საეჭვოდ ჩათვალოს ან სპამად მონიშნოს
- ქმნის ბრენდინგის თანმიმდევრულობას: თქვენი ადრესატები, რომლებიც ხედავენ პროფესიონალურ დომენს, დიდი ალბათობით უფრო გახსნიან წერილს და შემცირდება საჩივრები სპამების შესახებაც
ჩააშენეთ თქვენი მეილი ყველა საიტსა თუ სოცმედია გვერდზე
ეს დაგეხმარებათ, რომ თქვენი კომპანიის მეილი იყოს ცნობადი როგორც პოტენციური ადრესატებისთვის, ისე ვებსივრცისთვისაც.
მოერიდეთ სპამის ხაფანგებს და აკონტროლეთ შავი სიები
მაშინაც კი, თუ თქვენი ელფოსტა სუფთად გამოიყურება, სპამის ხაფანგში მოხვედრამ შეიძლება თქვენი, როგორც გამგზავნის რეპუტაცია დააზიანოს, ხშირად, გაფრთხილების გარეშე. სპამის ხაფანგები არის ყალბი ან გადამუშავებული ელფოსტის მისამართები, რომლებსაც ინტერნეტპროვაიდერები იყენებს არასწორი გაგზავნის პრაქტიკის დასადგენად.
არასოდეს იყიდოთ ელფოსტის სიები (იგივე პოტენციური ადრესატების სია): ეს არის სპამის ხაფანგებისა და მოძველებული მისამართების გამრავლების ცნობილი კერა.
რეგულარულად გაწმინდეთ თქვენი სია: გამოიყენეთ ელფოსტის დადასტურების ინსტრუმენტები არასწორი ან მიძინებული მისამართების გასასუფთავებლად.
დააკვირდით ჩართულობის სიგნალებს: გახსნისა და დაწკაპუნების დაბალი რაოდენობა შეიძლება მიუთითებდეს, რომ სპამის ხაფანგში მოხვდებით.
პერსონალიზება გაუკეთეთ თქვენს ელფოსტას
პერსონალიზებული მარკეტინგული ელფოსტები ჩართულობის ზრდას იწვევს, რაც ისეთ მეტრიკებში, როგორიცაა გახსნისა და დაწკაპუნების მაჩვენებლები, ზრდას იწვევს. სტატისტიკაც ამას ადასტურებს.
როგორ ახდენთ თქვენი ელფოსტის პერსონალიზებას?
პირველ რიგში, უნდა იცოდეთ თქვენი აუდიტორია. ეს გულისხმობს მონაცემების გაანალიზებას, რათა გაიგოთ მომხმარებლის ქცევა და პრობლემური საკითხები. შემდეგ დააჯგუფეთ თქვენი აუდიტორია ისეთი საერთო ფაქტორების მიხედვით, როგორიცაა გეოგრაფია, კონკრეტული პროდუქტებისადმი ინტერესი, გადმოწერილი კონტენტი, ბოლო შენაძენის ტიპი და მონახულებული გვერდი.
გამოიყენეთ დინამიკური კონტენტი. ეს საშუალებას გაძლევთ გაუგზავნოთ ერთი და იგივე ელფოსტა სხვადასხვა მიმღებს, მაგრამ ოდნავ შეცვლილი ფორმით, რათა ორივე სეგმენტს მოეწონოს.
გამგზავნის რეპუტაცია
გამგზავნის რეპუტაცია ელფოსტის საკრედიტო ქულას ჰგავს. ინტერნეტპროვაიდერები მას იყენებს იმის გადასაწყვეტად, თქვენი შეტყობინებები შემოსულებში მოხვდება თუ სპამში. გააუმჯობესეთ ის: აქტიური მომხმარებლებისთვის მეილების გაგზავნით, თქვენი დომენის ავთენტიფიკაციით, სპამთან დაკავშირებული საჩივრების შემცირებით და შავი სიების რეგულარული მონიტორინგით.
ამ ნაბიჯების თანმიმდევრულობა დაგეხმარებათ, რომ თქვენგან გაგზავნილი მეილი ყოველთვის „სუფთად” გამოიყურებოდეს და არ მოხვდეს ადრესატის სპამში.
