9
Oct
2017

დაბრკოლებები, რომლებსაც ავტომობილი მძღოლზე ადრე აღიქვამს! – Mercedes-Benz-ის პრინტ კამპანია

9 Oct 2017

ამ ბოლო დროს, უყურადღებობის, გადაღლილობის თუ სხვა ყურადღების გამფანტველი ფაქტორების მიზეზით გახშირებული ავტოსაგზაო შემთხვევების ფონზე, ავტომობილების მწარმოებელი კომპანიებისთვის პრიორიტეტად ისეთი ფუნქციები იქცა, როგორიც ავტომუხრუჭი, დაბრკოლების სენსორული აღქმა და დისტანციის კონტროლია. Mercedes-Benz-ის ახალი E-Class-იც ყველა საჭირო სტანდარტით არის შექმნილი. კომპანიამ, სულ ახლახან, სააგენტო BBDO-სთან თანამშრომლობით, სარეკლამო პრინტ კამპანიაც გაავრცელა, რომელიც კიდევ ერთხელ უსვამს ახალი მოდელების შესაძლებლობებს ხაზს. პოსტერები, რომლებზეც სამი სიტყვა: ბავშვი, ძაღლი და ხეა გამოსახული, სწორედ იმ მომხმარებლისთვის მნიშვნელოვან გზავნილს გადმოსცემენ, რაც დაბრკოლების დროულად აღქმასა და რეაგირებას გულისხმობს, რაც მთავარია, ამას ავტომობილი უკვე დამოუკიდებლად ახერხებს.

განხილვა