Meta-მ, ევროკავშირის მასშტაბით, რუსული სახელმწიფო მედია საშუალებები — RT და Sputnik დაბლოკა. შესაბამისად, Facebook-სა და Instagram-ზე ამ გვერდებს ვეღარ შეხვდებით.
“ევროკავშირის წევრმა რამდენიმე ქვეყანამ გვთხოვა, რომ რუსეთის სახელმწიფო მედიებთან მიმართებით გარკვეული ნაბიჯები გადაგვედგა, ამჟამინდელი სიტუაციის გათვალისწინებით კი, RT და Sputnik დავბლოკეთ”, — განაცხადა ნიკ კლეგმა, Meta-ს საერთაშორისო საქმეთა პრეზიდენტმა.
Meta-მ რუსული მედია პლატფორმებიდან რეკლამების გაშვებაც აკრძალა. მეტიც, კომპანიამ დეზინფორმაციის გამავრცელებელი რუსული ქსელი წაშალა, რომელიც რუსეთ-უკრაინის ომის შესახებ ყალბ ინფორმაციებს ავრცელებდა… მსგავსი ცვლილებებით კი Meta-მ უკრაინის მიმართ მხარდაჭერა გამოხატა.
