გასულ კვირას Microsoft-მა Paint-ს ფონის წამშლელი ხელსაწყო დაამატა, რისი მიზანიც Photoshop-სა და Canva-სთან მეტად დაახლოება იყო. ახლა კი ამავე მიზნით გამჭვირვალე PNG-ის გვთავაზობს. ეს იმას ნიშნავს, რომ Windows Insiders დამატების, წაშლის, ჩარჩოებისა თუ ფონების ეფექტურად მართვის უნარს შეიძენს. ეს ყველაფერი კი, თავის მხრივ, ციფრული ხელოვნების ახალ შესაძლებლობად შეგვიძლია ვთარგმნოთ.
მომხმარებლებს განსხვავებული ელემენტების ერთმანეთზე დამატება შეუძლიათ — ფენების მსგავსად, იქნება ეს რაღაც ფორმები, ტექსტები თუ სურათების ცალკეული კომპონენტები. კონკრეტულ ხელსაწყოებზე წვდომისთვის კი უბრალოდ ახლად დამატებულ Layers-ის ღილაკს უნდა დააკლიკოთ, რითაც კუთხეში მეტად მოსახერხებელი ჩანართი გაიხსნება და სრულ კონტროლს შემოგთავაზებთ.
როგორც უკვე გითხარით, განახლება მოგცემთ საშუალებას, გახსნათ და შეინახოთ სურათები გამჭვირვალე PNG ფორმატში. კიდევ უფრო მნიშვნელოვანი კი ის არის, რომ კონტენტის წაშლა უკვე ზუსტად იმას ნიშნავს, რასაც ვამბობთ და არა, უბრალოდ სივრცის თეთრად დატოვებას.
ხელსაწყოები, რომლებზეც ჩვენ ვისაუბრეთ, Windows Insiders-ში იქნება ხელმისაწვდომი, თუმცა გვპირდებიან, რომ ახლო მომავალში Windows-საც დაემატება…
