მაიკროსოფტმა, კალიფორნიაში, 32 აკრ ფართობზე განსხვავებული კამპუსის მშენებლობა დააანონსა. კომპანია სილიკონის ველზე ახალი არ არის, მისი ოფისები აქ 1981 წლიდან ფუნქციონირებს. ასეთი განახლება კი სამუშაო გარემოს კონცეფციის ცვლილებას უკავშირდება. ეფლის მსგავსად, მაიკროსოფტიც, უახლოესი 2 წლის განმავლობაში ეკოლოგიურ პროექტებზე გეგმავს კონცენტრაციას. ახალ კამპუსში მნიშვნელოვნად დაიზოგება ენერგორესურსები, მაგალითად, გამოუყენებელი წყალი გაიწმინდება და ისევ ჩაეშვება მოხმარებაში, შეგროვდება წვიმის წყალი, ყველაფერი იმუშავებს მზის ენერგიაზე, სახურავებზე კი გამწვანება მოეწყობა.
