საიდუმლო არ არის, რომ ბავშვების ჯანსაღად კვება ზოგჯერ სირთულეებთან ასოცირდება — თითქოს, მაგიური „შელოცვა“ ადევს ყველაფერ სასარგებლოს და პატარებსაც რატომღაც არ მოსწონთ მათი გემო. კვლევების მიხედვითაც, ბევრ ქვეყანაში სკოლის მოსწავლეების დაახლოებით 65% არ იცავს რეკომენდებულ კვებით ბალანსს, მათ შორის არ იღებს რძის ყოველდღიურ დოზას.
ამ საკითხს იაპონიაში შემოქმედებითი გადაჭრა მოუძებნეს — კერძოდ, ბრენდ Seki Milk-ისთვის კრეატიულმა სააგენტო Ogilvy-მ კომიქსებით მოხატული ბოთლი შექმნა. თუმცა ილუსტრაციები და წარწერები მხოლოდ მას შემდეგ ჩნდება მინაზე, რაც რძეს მიირთმევენ. მანგას 10 უნიკალური სიუჟეტი თემატურად შეარჩიეს ბავშვებზე მორგებულად და შედეგიც შესაბამისი იყო — მოზრდილთა 95%-მა ბოლომდე დალია რძე, რათა ილუსტრაციებით გამოწვეული ცნობისმოყვარეობა დაეკმაყოფილებინათ.
რეალურად, ეს არის ნათელი მაგალითი იმისა, თუ როგორ შეიძლება კრეატიულობის ძალის გამოყენება ყველაზე რთული გამოწვევების გადასაჭრელად…
