in

როგორ დაბეჭდა 3D პრინტერმა მიქელანჯელოს „დავითის“ 0.1 მილიმეტრიანი ვერსია

Liffit
Liffit

3D პრინტერების მნიშვნელობა, სხვადასხვა სფეროს განვითარებაში რომ დიდია, ამაზე არავინ დავობს. თუმცა, მაინც არსებობს საკითხები, რომლებშიც ამ მოწყობილობას ახალი შესაძლებლობების ჩვენება შეუძლია. ცოტა ხნის წინ, Exaddon-მა, ახლადშექმნილი მიკროპროდუქციის ტექნიკის გამოყენებით, დაბეჭდა მიკროდავითი, რომელიც 0.1 მილიმეტრის ზომისაა და ორ მიკროგრამს იწონის. შედარებისთვის, მისი ორიგინალი, ანუ მიქელანჯელოს მიერ, მე-16 საუკუნის დასაწყისში შექმნილი ხელოვნების ნიმუში 5.17 მეტრის სიმაღლისაა და 6 ტონას იწონის. თუ ორიგინალის შესაქმნელად მიქელანჯელოს 4 წელი (1501-დან 1504-მდე) დასჭირდა, 3D პრინტერმა მიკროდავითი 12 საათში დაბეჭდა.

მიკროდავითი Exaddon-ის პრინტერმა CERES, იონიზებული თხევადი სპილენძის გამოყენებით დაბეჭდა. პრინტერი დავითს ნანომეტრის ზომის (უფრო ზუსტად – 1 μm3 to 6’000’000 µm3) ერთეულებით ბეჭდავდა, რაც სხვა პრინტერებისთვის შეუძლებელია. ეს ბეჭდვის ტექნოლოგია ციურიხში, ETH-ის უნივერსიტეტში შექმნეს. ტექნიკა იყენებს 300 ნანნომეტრის სიფართის „პირს“, მიკროსკოპული ობიექტების დასაბეჭდად. შემქმნელები ამბობენ, რომ მიქელანჯელოს ქმნილების მინიატურული ასლის თითოეული დეტალი მისი ორიგინალის ზუსტი გამეორებაა. 

ზღარბის გადარჩენის დროს დაკარგული ლატარიის ბილეთი, რომელიც 30 მილიონს იგებს

გარიგებები VS გაკოტრება – რა ცვლილებები მოუტანა გლობალურ სააგენტოებს 2019-მა წელმა?