მსოფლიოს მასშტაბით, არაერთი მოსწავლეს, კორონავირუსის გავრცელების საშიშროების გამო, დისტანციურად უწევს განათლების მიღება. ვიდეოთამაში Minecraft კი მათ უფასო საგანმანათლებლო გაკვეთილებს სთავაზობს. გაკვეთილების პოვნა Minecraft Marketplace-ზე, Education Edition-ის განყოფილებაში შეგიძლიათ.

აღნიშნულ პროგრამას აქამდე სხვადასხვა უცხოურ სკოლაში იყენებდნენ. ამჯერად კი, Minecraft Marketplace-იდან უფასოდ 10 საგანმანათლებლო „გაკვეთილის“ გადმოწერა შეგიძლიათ. მათ შორის, ერთ-ერთი თამაშის დახმარებით ბავშვები საერთაშორისო კოსმოსურ სადგურზე მოხვდებიან, ისევე, როგორც ძველ საბერძნეთში. ასევე, გაიგებენ ზღვის ბიოლოგიისა და განახლებადი ენერგიების შესახებ, შეძლებენ რობოტის პროგრამირების საწყისების შესწავლას. გაკვეთილების უფასოდ გადმოწერა 30 ივნისამდეა შესაძლებელი.

Minecraft ფუნქციურია Android-ისა და iOS-ის ოპერაციულ სისტემებზე მომუშავე მოწყობილობებზე,, ასევე Kindle Fire-ზე, Windows 10 PC-ზე, Gear VR-ზე, Oculus Rift-ზე, Fire TV-ზე, Xbox One-ზე, Windows MR-ზე, Nintendo Switch-სა და PlayStation 4-ზე.